...

Sofiyada birinci Azərbaycan -Bolqarıstan biznes - forumu keçiriləcək

Biznes və iqtisadiyyat xəbərləri Materials 27 Sentyabr 2008 15:47

Trend-i buradan izləyin

Azərbaycan, Bakı, 27 sentyabr/ Trend , müxbir İ.Xəlilova/ Baş nazirin müavini Abid Şərifovun başçılıq etdiyi Azərbaycanın nümayəndə heyəti ticari - iqtisadi və elmi - texniki əməkdaşlıq üzrə hökumətlərarası komissiyanın birinci iclasında və biznes - forumda iştirak etmək üçün sentyabrın 28 - də Sofiyaya yola düşür, - ölkə hökumətindən şənbə günü bildiriblər. Tədbirlər sentyabrın 29 - 30 - da keçiriləcək.

"Ölkələr arasında hökumətlərarası komissiya 1999 - cu ilin mayında yaradılıb və indiyədək iki iclas keçirilib. Lakin Bolqarıstan Avropa İttifaqına daxil olduqdan sonra, 2007 - ci il yanvarın 1 - dən birgə komissiya haqqında saziş qüvvədən düşüb).

Komissiya qarşıdakı iclasda yeni tərkibdə olacaq. Bolqarıstan tərəfi hələ bu ölkənin Baş naziri Sergey Stanişevin ötən il Bakıya etdiyi səfər zamanı, iki ölkənin işgüzar dairələri arasında biznes - forumların, təqdimatların, beynəlxalq sərgilərin keçirilməsini təklif edib.

Azərbaycanın İxrac və İnvestisiyaların Təşviqi Fondundan (AZPROMO) şənbə günü bildirdiklərinə görə, Azərbaycanın nümayəndə heyəti Bolqarıstana səfərin gedişində sentyabrın 29 - da Plovdivdə keçirilən beynəlxalq texniki sərgiyə baş çəkəcək.  Birinci Azərbaycan - Bolqarıstan biznes - forumu sentyabrın 30 - da keçiriləcək və forumda tikinti və turizm biznesinin inkişafı, qida sənayesi, energetika sahələrində ixtisaslaşmış Azərbaycan şirkətləri iştirak edəcəklər. Nümayəndə heyətinin tərkibində Azərbaycan İnvestisiya Şirkətinin nümayəndələri də olacaq.

Hər iki ölkənin iqtisadi inkişafın intensiv dövrünü yaşadığını anlayan Sofiya və Bakı hökumətlərarası komissiyasının iş prosesinin sürətləndirilməsinin zəruriliyini dəstəkləyirlər. İqtisadi əməkdaşlığın yeni mərhələsinə keçmək üçün ötən il üç sənəd imzalanıb - iqtisadi əməkdaşlıq, antiinhisar siyasəti və rəqabət sahəsində əməkdaşlıq haqqında sazişlər və ikiqat vergitutmadan qaçmaq haqqında konvensiya. Bu gün layihələrin həyata keçirilməsi üçün ən münasib vaxtdır. Belə ki, hər iki dövlət yüksək iqtisadi inkişaf templəri göstərirlər, digər tərəfdən isə - Bolqarıstanın Aİ-yə daxil olması bunun üçün əsas kimi çıxış edəcək.

Respublikanın Dövlət Statistika Komitəsinin məlumatlarına əsasən, 2008 - ci ilin yekunları üzrə Azərbaycan və Bolqarıstan arasında mal dövriyyəsi $21,8 mln., 2007 -ci ilin - $15,9 mln. təşkil edib. Yanvar - iyul ərzində ölkələr arasında ticarət münasibətləri $51,9 mln. (idxal - $7,1 mln., ixrac - $44,8 mln.) həcmində olub. 2008 - ci ilində mal dövriyyəsi artmağa və 2004 - 2005 - ci illərin həcminə yaxınlaşmağa başlayıb. 2004 - cü il ərzində ümumi ticarət dövriyyəsi $54,9 mln. (idxal - $5,6 mln., ixrac - $49,3 mln.), 2005 - ci ildə - $105,4 mln. (müvafiq olaraq, $4,6 mln. və $100,9 mln.) olub.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti