Ukrayna, Kiyev, 11 oktyabr/ Trend , müxbir Z.Novosvitski/ Ukrayna Milli Bankının sədri Vladimir Stelmax Beynəlxalq Valyuta Fondu (BVF) və Dünya Bankının (DB) illik toplantılarındla iştirak etmək üçünVaşinqtona planlaşdırılan səfərini təxirə salıb. Bu barədə Milli Bankın mətbuat xidmətinin yayılan məlumatında bildirilir.
"Milli Bank sədrinin fikrincə, ölkənin bank sisteminin dünya maliyyə böhranından asılı olduğu çətin bir vaxtda, onun Ukraynada olması və maliyyə institutlarına tənzimləyici dəstəyin göstərilməsi daha vacibdir.
Mətbuat xidmətinin məlumatına görə, Stelmaxın dəvəti ilə oktyabrın 16 -17 - də Kiyevə gəlməli olan Avropa Mərkəzi Bankının prezidenti Jan - Klod Trişe, çətin maliyyə böhranı proseslərindən əziyyət çəkən Avropa maliyyə sisteminə təxirəsalınmaz dəstək tələbatları ilə əlaqədar, səfərini təxirə salıb.
Məlumata görə, bu gün Ukraynada Milli Bank tərəfindən ölkənin sistem formalaşdıran bankı olan Prominvestbankda müvəqqəti administrasiya tətbiq edilib. Bank kreditorlarının tələblərinin ödənilməsi üçün altı ay müddətinə moratorium da tətbiq olunub. Bundan əlavə, ölkənin təqribən 20 bankı likvidlik problemi yaşayıb.
Məqalə müəllifi ilə əlaqə ünvanı - [email protected]