Azərbaycan, Bakı, 13 oktyabr/ Trend , müxbir E.İsmayılov/ "Koreyanın dəmir yolu Konsorsiumu Bakı-Böyükkəsik" dəmir yolunun yenidən qurulmasına $300 mln. təqdim etməyə hazırdır", - Azərbaycan Dövlət Dəmir Yolunun (ADDY) baş mühəndisi Qurban Nəzirov bazar ertəsi bildirib.
Layihəni qarışıq sərmayələr - dövlət, özəl bank və şirkətlərin sərmayələri hesabına realizə etmək nəzərdə tutulur.
"Burada sürətli yoldan yox, Gürcüstan sərhədinədək Bakı - Böyükkəsik" dəmir yolunun əsaslı təmirindən söhbət gedir. Son görüşdə Koreya tərəfinə məsləhət verilib ki, bütün tədbirlər Azərbaycanın dəmir yolunun inkişafı Dövlət Proqramı çərçivəsində həyata keçirilsin", - Qurbanov bildirib.
Bu, Bakı - Böyükkəsik" (Gürcüstan sərhədi) sahəsinin yenidən qurulması və qatarların hərəkət sürətinin artırılması üzrə sayca üçüncü layihədir. Koreya mütəxəisslərinin təklif etdikləri ilk iki layihənin dəyəri yüksək olduğundan, ADDY onları qəbul etməyib. Təklif olunan qiymət göstərilmir.
Layihədə iştirak edən Koreya şirkətlərinin təklifləri onun üç mərhələdə həyata keçirilməsini nəzərdə tutur. Birinci mərhələ - Gəncə şəhərindən Gürcüstan sərhədinədək, ikinci - Bakıdan Hacıqabuladək, üçüncü - Hacıqabuldan Gəncəyədək yol hissəsinin yenidən qurulmasını əhatə edir
Koreya mütəxəssislərinin təklif etdiyi layihə, sərnişin qatarlarının hərəkətinin 80/saatadək, ikinci mərhələdə isə, 140 km/saatadək sürətləndiriməsini nəzərdə tutur.
Əvvəllər Koreya mütəxəssisləri layihənin üç realizə variantını təklif etmişdilər: mövcud vəziyyətin dəyişdirilməsi və hərək sürətinin saatda 100 kilometrədək, hərəkətin 150 kilometrədək və 160 kilometrədək artırılması.
Müəlliflə əlaqə saxlamaq üçün elektron ünvan: [email protected]
