Azərbaycan, Bakı, 13 oktyabr/ Trend , müxbir N.İsmayılova/ їBeynəlxalq Valyuta Fondu (BVF) ayrı - ayrı ölkələrə böhranla mübarizə üçün təcili qaydada kredit təqdim etməyə hazırdırї, -- Fondun rəhbəri Dominik Stross-Kan BVF - nin başlıca orqanı ї Beynəlxalq Valyuta - Maliyyə Komitəsinin (BVMK) iclasının yekunları üzrə keçirilən mətbuat konfransında bildirib.
Onun sözlərinə görə, hazırda BVF-nin sərəncamında yüzlərlə milyard dollar vəsait var. Bununla yanaşı, Fond yaxın vaxtlarda qlobal resessiyanın baş verəcəyini proqnozlaşdırır.
Valyuta Fondunun birinci kreditini üç ən iri bankı müflis olduqdan, valyutası qiymətdən düşdükdən sonra, iflas həddində olan İslandiya ala bilər. BVF ekspertlərinin qiymətləndirməsinə əsasən, Şərqi Avropa ölkələri böyük ödəmə defisiti ilə risk zonasındadırlar. Belə ki, Estoniyada o, borcların həcminin böyük olması ilə ÜDM- in 16 faizini, Bolqarıstanda 25 faizini təşkil edir. Son günlərdə Meksika, Braziliya, Perunun milli valyutaları dəyərdən düşür və bu ölkələrin hakimiyyətləri müdaxilələr üçün valyuta ehtiyatlarını xərcləməyə məcburdurlar.
BVF-nin rəhbəri Dominik Stross-Kan vəziyyətin pisləşəcəyini proqnozlaşdırır: їBiz qlobal resessiya astanasındayıq. Yazda hamı bizi hədsiz bədbin əhval - ruhiyyəyə görə tənqid edirdi. Təəssüf ki, biz çox nikbin idik. Gələn il inkişaf edən ölkələrdə artım sıfıra yaxın, dünya iqtisadiyyatında 3 faiz olacaq. Buna baxmayaraq, 2009 - cu ildən vəziyyətin yaxşılaşmağa başlayacağını düşünürükї.
Hazırki böhran əvvəllər, demək olar ki, itirdiyi ölkələrin xilas edilməsi üzrə bir sıra funksiyalarını BVF-yə qaytara bilər. 2003-cü ildə Fondun kreditlərinin həcmi $110 mlrd. təşkil edib, bu il isə - böhranadək dünya iqtisadiyyatının fəal artımı və inkişafda olan ölkələrin maliyyə sistemlərinin möhkəmlənməsi fonunda $17 mlrd.-dək azalıb.
(Azərbaycan 2005-ci ilədək kreditlərlə dəstəklənən proqramlar əsasında BVF ilə əməkdaşlıq edib. Lakin böyük neft gəlirlərinin əldə edilməsi ilə əlaqədar ölkə Fondun kreditlərindən imtina edərək,texniki yardım çərçivəsində əməkdaşlığı davam etdirib. Azərbaycan BVF-yə 1992 - ci il sentyabrın 18-də qoşulub, respublikanın Fonddakı kvotası 160,9 mln. SDR-ə ($248 mln.) bərabərdir. 2008 - ci il yanvarın 1-nə Azərbaycanın BVF qarşısında borcu $100,6 mln. olub. 2008 ї 2012 - ci illərdə ölkə, əvvəllər aldığı kreditlərin ödənilməsi çərçivəsində, Fonda 55,96 mln. SDR ($88,9 mln.) ödəyəcək.)Hazırki güclü dəyişkənlik şəraitində uzunmüddətli proqnozlar vermək mümkün deyil,- bəzi ekspertləri idda edirlər. Hər şey o qədər gözlənilməzdir ki, bazar həm müsbət , həm də mənfiyə tərəf hərəkət edə bilər.
Sərmayədarlar səbrsizliklə G - 7-nin maliyyə nazirləri və Mərkəzi bank rəhbərlərinin Vaşinqtonda keçirilən iclasının və BVF sessiyasının yekunlarını gözləyirlər. Ekspertlər güman edirlər ki, iclasın yekunları üzrə əsaslı qərarlar qəbul ediləcək, ölkələrin böhrandan xilas edilməsi üçün Fondlar yaradılacaq və valyuta müdaxiləsi mexanizmləri işlənəcək.
Müəlliflə əlaqə saxlamaq üçün elektron ünvan: [email protected]