Azərbaycan, Bakı, 16 oktyabr/ Trend , müxbir N.İsmayılova/Sentyabrda istehlak mallarının və xidmətlərin tarif qiymətləri 2008 -ci ilin avqustu ilə müqayisədə 0,9 faiz, doqquz ayın ötən ilin yanvar-sentyabrı ilə müqyisədə isə, 21,5 faiz artıb, - cümə axşamı Azərbaycan Dövlət Statistika Komitəsindən məlumat veriblər.
Sentyabr ərzində ərzaq malları 1,1 faiz, qeyri - ərzaq malları 0,6 faiz, tarif və xidmətlər 0,9 faiz bahalaşıb.
Ərzaq mallarının qiymətləri 2007-ci ilin yanvar-sentyabrı ilə müqayisədə 30 faiz, qeyri-ərzaq malları 11,3 faiz, xidmət sahəsindəki tariflər 11,5 faiz artıb.
Sentyabrda mövsümi dəyişikliklərə məruz qalan (meyvə, tərəvəz) və dövlətin tənzimlədiyi mal və xidmətlərin istehlak qiymətlərinin bazis indeksi 100,9 faiz, ötən ilin doqquz ayının müvafiq dövrü ilə müqayisədə, 122,9 faiz təşkil edib.
Oktyabrın 16 - na rəsmi məzənnə 0,8091 AZN/USD-dır.
