...

AYİB Azərbaycan manatında borcların verilməsinə başlamağı planlaşdırır

Biznes və iqtisadiyyat xəbərləri Materials 21 Oktyabr 2008 19:40

Trend-i buradan izləyin

Azərbaycan, Bakı, 21 oktyabr/ Trend , müxbir N.İsmayılova/ "Avropa Yenidənqurma və İnkişaf Bankı (AYİB) Azərbaycanın bank bazarında manatla borcların verilməsini təşkil etməyə çalışır", - AYİB - in Azərbaycandakı ofisi rəhbərinin "Özəlləşdirilmiş müəssisələrin ixrac potensialı və rəqabətqabiliyyətliliyinin artırılmasının dəsətklənməsi" layihəsi üzrə seminarda iştirak edən müavini Valeri Razloq (Valeriu Razlog) çərşənbə axşamı bildirib.

"Bankın manatla kreditlər verməsi üçün ölkədə banklararası bazarın olması lazımdır, - Razloq bildirib. - Bizim bank Azərbaycanda bu sistemi tətbiq etməyə çalışsa da, ölkədə hələ ki, banklararası bazar formalaşmayıb".

İndi bank borcları dollar, avro, rubl və digər regional valyutalarda ayırır.

AYİB Azərbaycanda 77 layihəni maliyyələşdirib və bu layihələrə 700 mln. dollar vəsait yatırıb. Bu layihələrin ümumi dəyəri 2,6 mlrd. dollardır. Əlavə cəlb edilmiş vəsaitlər hesabına layihələrə 1,9 mlrd. sərmayə yatırılıb.

2008 - ci il ərzində AYİB maliyyə, kommunikasiya, turizm və digər sahələri əhatə edən və dəyəri 25 mln. avro olan 10  layihəni təsdiq edib. AYİB 2008 - ci ildə Azərbaycanda ümumi dəyəri təxminən 140-180 mln. avro olan 18 layihənin maliyyələşdirilməsini nəzərdən keçirməyi planlaşdırır. Onlardan səkkizi sahibkarların maliyyələşdirilməsinə yönəlmiş kiçik layihələr olsa da, iki-üçü biznes-fəaliyyətin maliyyələşdirilməsi ilə bağlıdır. Bank sektorunun gücləndirilməsi üçün 60 mln. avroyadək vəsait ayırmaq planlaşdırılır. Bu vəsait kiçik və orta biznes, ipoteka kreditləşdirməsi, mikromaliyyələşdirmənin dəstəklənməsi üçün nəzərdə tutulub.

Azərbaycan 1992 - ci ildən AYİB - in üzvüdür. Əməkdaşlıq dövrü ərzində Azərbaycandakı təxminən bütün infrastruktur layihələri AYİB- in iştirakı ilə keçir.

Oktyabrın 21- nə olan cari mübadilə məzənnəsi -- 0,8095 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti