Azərbaycan, Bakı, 24 oktyabr/ Trend , müxbir Ü.İsmayılova/ "Azərbaycanın Texnika Bank-ı artıq 2009 - cu ildə ölkə sərhədlərindən kənarda ilk filiallarını açmaq niyyətindədir", - bankın İdarə Heyətinin sədri Samir Hüseynov cümə günü bildirib.
"Biz, ilk növbədə, Moskvada filial, İstanbulda nümayəndəlik açmaq niyyətindəyik", - Hüseynov bildirib.
Onun sözlərinə görə, bank artıq törəmə strukturların açılması üzrə təşkilati iş aparır.
Hazırda Texnika Bank-ın Azərbaycan ərazisində 35 filialı var.
Bu gün Texnika Bank-ın majoritar səhmdarı qismində, bankın səhmlərinin 75 faizinə sahib World Wines şirkəti çıxış edir. Bankın Müşahidə Şurasının sədri Etibar Əliyev səhmlərin 15 faizini, Amerikanın Kazimir Investment Caspian Fund şirkəti 10 faizini idarə edir.
Oktyabrın 1-nə Texnika Bank-ın məcmu kapitalı 55 mln manat, Nizamnamə kapitalı 26 mln. manat təşkil edib, doqquz ay ərzində bankın mənfəəti 20 mln. manata bərabər olub.
Müəlliflə əlaqə saxlamaq üçün elektorn ünvan: [email protected]
