...

Azərbaycan Dövlət Gömrük Komitəsi MDB ölkələri ilə ticarət dövriyyəsi həcmini açıqlayıb

Biznes və iqtisadiyyat xəbərləri Materials 25 Oktyabr 2008 13:10 (UTC +04:00)

Azərbaycan, Bakı, 25 oktyabr/ Trend , müxbir Ü.İsmayılova/ Yanvar-sentyabrda MDB ölkələrindən Azərbaycana 1,7 mlrd. dollar məbləğində mal idxal olunub ki, bu da ölkənin ümumi idxalının 33,04 faizini təşkil edir. Bu barədə şənbə günü Dövlət Gömrük Komitəsindən məlumat verilib.

MDB-dən Azərbaycana dənli bitkilər, quru nəqliyyat vasitələri,qara metallurgiya məmulatları, avadanlıq və mexaniki qurğular gətirilib.

Azərbaycandan Birlik ölkələrinə mal ixracının məbləği 1,2 mlrd. dollar (ümumi ixracın 3,25 faizi) təşkil edib.

MDB dövlətlərinə əsasən mineral yanacaq, şəkər, qənnadı məmulatları, neft məhsulları, kimyəvi maddələr, heyvan və bitki yağları, pambıq, tərəvəz və meyvə ixrac olunub.

MDB ölkələri ilə idxal-ixrac əməliyyatları üzrə 465 mln. dollar həcmində mənfi qalıq yaranıb.

Yanvar-sentyabr aylarında Azərbaycan 136 ölkə ilə ticarət əməliyyatı həyata keçirib.

Məqalə müəllifi ilə əlaqə ünvanı - [email protected]

Xəbər lenti

Xəbər lenti