Azərbaycan, Bakı, 30 oktyabr/ Trend , müxbirlər E.İsmayılov, İ.Xəlilova/ "Azersun Holding Masazırda yodlaşdırılmış və saflaşdırılmış qida duzunun istehsalı üzrə 12 mln. dəyərində yeni zavodun tikintisinə ərəb sərmayələrinin cəlb edilməsi üzrə müqavilə hazırlamağa hazırlaşır", - Azersun Holding-in prezidenti Abdolbari Gozal bildirib.
Golf Star ərəb şikrəti layihənin maliyyələşdirilməsinin 50 faizini öz üzərinə götürməyə hazırdır, - əvvəllər Gozal bildirib.
Qalan vəsaitlər Holdinq və Azərbaycan İnvestisiya Şirkətinin (AİŞ) iştirak payı hesabına ödəniləcək. Investisiya şirkəti layihəyə $2,9 mln. yatırmaq niyyətindədir və o, ""Azərbaycan Duzu" İstehsalat Birliyi" QSC-nin Nizamnamə kapitalında 25 faiz iştirak payı alacaq.
Ərəb sərmayədarlar zavod istismara verildikdən üç-dörd il sonra öz yatırımlarını geri qaytarmaq niyyətindədirlər. Müvafiq olaraq, layihədən çıxış beş il ərzində mümkündür. Zavodun 2009 - cu ilin üçüncü rübündə istismara veriləcəyi gözlənilir. Gozalın sözlərinə görə, yaxın vaxtlarda müəssisənin bünövrəsi qoyulacaq.
"Müəssisədə yüksək keyfiyyətli qida duzu ilə yanaşı, tibbi duzun istehsalını da təşkil etmək planlaşdırılır", - Holdinq rəhbəri bildirib. Yodlaşdırılmış duza böyük tələbatla əlaqədar, istehsal xəttini iki dəfə - sutkada 200 tonadək artırmaq barədə qərar qəbul edilib.
Zavodun tikintisi üçün yeddi ha torpaq sahəsi ayrılıb. Ərazi Azersun Holding və AIŞ ASC -nin təsis etdiyi "Azərbaycan Duzu"nun mülkiyyətinə verilib.
Zavod Masazır gölü yaxınlığında tikiləcək. Bu ərazidə zavod və göldən duzun yığılması üçün infrastruktur (nasoslar və s.) yerləşəcək. Duz əvvəllər Masazır gölündəki sahələrdən yığılacaq. Lakin gələcəkdə Türkmənistandan tədarüklər nəzərdə tutulub.
Türkmənistandan tədarük zavodun tikintisindən il yarım sonra başlaya bilər. Zavod hələlik yerli duza istiqamətlənəcək.
UNICEF-in donor dəstəyi ilə həyata keçirilən "Yod və yodlaşdırılmış universal duz çatışmazlığı problemi" layihəsi yod çatışmazlığı probleminin aktuallığını göstərib.
Müəlliflə əlaqə saxlamaq üçün elektron ünvan: [email protected]
