Azərbaycan, Bakı, 07 noyabr/ Trend / Qısa müddətli perspektivdə iqtisadiyyatı inkişaf etməkdə olan ölkələrin əksəriyyəti hazırkı reytinqlərini saxlayacaq, çünki xarici maliyyələşdirmə mənbələrinin azalması müvəqqəti mahiyyət daşıyır. bu barədə Moody's - Rating Sovereigns During a Global "Sudden Stop" in International Funding reytinq agentliyinin hesabatında bildirilib.
"Maliyyə bazarlarındakı qarışıqlıq oktyabrda böhran səbəbindən yaranıb. Bu böhran ilk əvvəl mürəkkəb qərb maliyyə sistemlərində əhəmiyyətli dərəcədə məhdud idi və qlobal qəfil dayanma kimi xarakterizə oluna bilər", - deyə "Moody's Global Sovereign Risk Group" icraçı direktoru Pierre Cailleteau bildirib.
"Moody's" hesab edir ki, inikişaf etməkdə olan ölkələrin iqtisadi sistemlərinin əksəriyyəti çətin ki, qısa müddətli reytinqdə təsir hiss etsinlər, çünki onlar kifayət qədər ehtiyat toplayıblar və ya qeyri-bazar maliyyələşdirilməsinə (ikitərəfli, reqional və ya çoxtərfəli yardım) çıxışları var.