Azərbaycan, Bakı, 13 noyabr/ Trend , müxbir İ.Xəlilova/ "Son səkkiz ildə Azərbaycanın qeyri - neft sektorunun artım templəri, orta hesabla, 13 faizi ötməyib", - iqtisadi inkişaf naziri Şahin Mustafayev cümə axşamı parlamentin 2009-cu ilin büdcə layihəsinin müzakirəsi üzrə plenar iclasında bildirib.
Bu dövr ərzində dünya iqtisadiyyatının orta artımı 4,1 faiz civarında dəyişib. Yüksək templər göstərən Asiya ölkələrində artım templəri 8,1 faiz səviyyəsində, Çində - 10,2 faiz, Gürcüstanda -7,3 faiz olub.
Mustafayevin sözlərinə görə, qarşıdakı dörd ildə (2009-2012-ci illər) qeyri-neft sektorunun illik artımı, orta hesabla, 10 faizdən yuxarı qiymətləndirilir. Proqnozlara əsasən, 2009-cu ildə qeyri - neft sektorunda sənaye istehsalının artımı 9,4 faiz, kənd təsərrüatı - 9 faiz, nəqliyyat 13 faiz təşkil edəcək.
"Ən dinamik inkişafı ilə informasiya - kommunikasiya texnologiyaları sektoru fərqlənir. Son səkkiz ildə sektorda artım, orta hesabla, 27,3 faiz, beş il ərzində 31,2 faiz təşkil edib, - Mustafayev bildirib. - Qarşıdakı illərdə İKT sahəsinin illik artımı 25 faiz səviyyəsində proqnozlaşdırılır".
Noyabrın 13-nə olan cari mübadilə məzənnəsi -- 0,8104 AZN/USD.
Müəlliflə əlaqə saxlamaq üçün elektron ünvan: [email protected]
