Azərbaycan, Bakı, 14 noyabr / Trend müxbirlər Ü.İsmayılova/ Azərbaycanda pambıq üçün nəzərdə tutulan əkin sahələri azalıb. Bunu parlamentdə keçirilən 2009-cu il dövlət büdcəsi layihəsinin müzakirəsi zamanı kənd təsərrüfatı naziri İsmət Abbasov bildirib.
Nazirin sözlərinə görə, pambıq istehsalının azalmasına səbəb bu işlə məşqul olan səhmdar cəmiyyətlərin qiymətləri xeyli aşağı salmasıdı.
Azərbaycanda fermerlər istehsal etdikləri pambığı iki emal müəssisəsinə satırlar - MKT və CTS Agro. Cari ildə bi səhmdar cəmiyyətlər bir ton pambığı 330-340 manata alır.
Nazir bildirib ki, son zamanlar kənd təsərrüfatının bu növünə maraq azalıb. Bu sahənin inkişafı "2008-2015-ci illərdə Azərbaycan əhalinin ərzaq məhsulları ilə etibarlı təminatına dair Dövlət Proqramı"nda nəzərdə tutulub.
Dövlət statistika komitəsinin verdiyi məlumata əsasən pambıq üçün olan əkin sahələrinin azaldılması məhsuldarlığa təsir göstərib. Belə ki, oktyabrın 1-dək yığılan məhsulun həcmi ötən ilin müvafiq dörü ilə müqayisədə 40,6 faiz azdır.
Məqalə müəllifi ilə əlaqə ünvanı: [email protected]
