Azərbaycan, Bakı, 17 noyabr/ Trend , müxbir N.İsmayılova/ 2008-ci ilin 10 ayı ərzində Azərbaycanda ÜDM ötən ilin analoji dövrünün göstəricisi ilə müqayisədə 12,7 faiz artıb. Bu barədə bazar ertəsi Dövlət Statistika Komitəsindən məlumat veriblər. Cari qiymətlərdə ÜDM göstəricisi 32542,4 mln. manat təşkil edib. Əhalinin adambaşına düşən ÜDM-in həcmi 11,5 faiz artaraq 3807 manat ($4616,7)təşkil edib.
Iqtisadiyyatın bütün sahələrində məhsul istehsalının ümumi həcmi 13 faiz artaraq, əsas hissəsini - 61,5 faizini (20029,4 mln. manat) sənayenin təşkil etdiyi ÜDM-in 74 faizini təşkil edib. Xidmətlər sahəsinin ÜDM-də xüsusi çəkisi 11,1 təşkil edib. Xidmətlər sahəsində əlavə dəyər istehsalı ötən ilin analoji dövrü ilə müqayisədə 10,8 faiz artıb. Məhsul və idxaldan xalis vergilər ÜDM-in 7,3 faizini təşkil edib.
Yanvar-oktyabr ərzində kənd təsərüfatı, ovçuluq sektoru və meşəçilikdə 1772,6 mln. manatlıq əlavə dəyər istehsal edilib ki, bu da ümumi ÜDM-in 5,5 faizini təşkil edir. Tikinti sektorunda - 2286,2 mln. manat (7 faiz), nəqliyyat sektorunda - 1667,7 mln. manat (5,1 faiz), rabitə və poçt xidmətləri sektorunda - 495 mln. manat (1,5 faiz) topdan və pərakəndə satışda, avtomobil sahəsində, məişət məmulatları və şəxsi istifadə predmetlərinin təmiri üzrə xidmətlər sahəsində - 1591,2 mln. manat (4,9 faiz), restoran və mehmanxana sektorunda - 244,4 mln. manat (0,8 faiz), sosial və digər xidmətlərin göstərilməsində - 2074,7 mln. manat (6,4 faiz) əlavə dəyər formalaşıb.
Noyabrın 17 - nə olan cari mübadilə məzənnəsi -- 0,8098 AZN/USD.
Müəlliflə əlaqə saxlamaq üçün elektron ünvan: [email protected]
