Gürcüstan, Tbilisi, 18 noyabr / Trend , müxbir N.Kirtsxaliya/ "Maliyyə Siyasəti üzrə Koordinasiya Şurası Gürcüstanın maliyyə və investisiya siyasətini razılaşdıracaq", - Şuranın sədri, ölkənin keçmiş Baş naziri Vladimir Qurgenidze ilk iclasdan əvvəl deyib.
Onun sözlərinə görə, Şura donorların ayırdığı yardım çərçivəsində yer alan makroiqtisadi prinsipləri müəyyənləşdirəcək.
"Burada ölkənin valyuta ehtiyatının artırılması və əlavə sərmayələrin daxil olması nəzərdə tutulur", - Qurqenidze deyib.
Şuranın ilk yığıncağında gəlir vergisinin azaldılması və sərmayədarlarla qarşılıqlı gələcək əlaqələr məsələləri müzakirə olunacaq.
İclasda dünyadakı iqtisadi və maliyyə böhranının Gürcüstan iqtisadiyyatına zərərini azaltmaq məsələləri də nəzərdən keçiriləcək" - iqtisadi inkişaf naziri Yekaterina Şaraşidze bildirib.
Müəlliflə əlaqə ünvanı: [email protected]
