Azərbaycan, Bakı, 18 noyabr/ Trend , müxbir İ.Xəlilova/ Azərbaycan hökuməti yüksək vəzifəli şəxslərin bu həftə Bakıya səfəri çərçivəsində, elektrik ötürücü xətlərin (EÖX) bərpası və Gəncə dairəvi yolunun yenidən qurulması layihələri üzrə Asiya İnkişaf Bankı (AİB) ilə kredit sazişlərinin imzalanmaya hazırlanmasına müvvəfəq ola bilmir, - AİB-in Bakı nümayəndəliyindən çərşənbə axşamı bildiriblər.
Dəyəri 220 mln. dollar olan enerji layihəsi üzrə sazişin noyabrın 19 - da AİB - in vitse -prezidenti Hyu Jaonun (Xiaoyu Zhao), nəqliyyat layihəsi üzrə i (dəyəri 73,9 mln. dollar) AİB-in prezidenti Haruhiko Kurodanın (Haruhiko Kuroda) Mərkəzi Asiya Regional Əməkdaşlıq (CAREC) Proqframı üzrə nazirlər konfransında iştirak üçün noyabrın 21-də Bakıya səfərləri zamanı imzalanması gözlənilirdi.
AİB-in Direktorlar Şurası sentyabrda birinci layihənin realizəsinə 160 mln. dollar kreditin ayrılmasını təqdir edib.
Layihə çərçivəsində Mingəçevir Su- Elektrik Stansiyasından Abşeron yarımstansiyasınadək ikikonturlu 220 kilovoltluq elektrik ötürücü xəttinin çəkilişi nəzərdə tutulur. Bununla yanaşı, 220/110 kilovoltluq yarımstansiyanı 110 kilovoltluq elektrik ötürücü xətti ilə birləşdirmək nəzərdə tutulur.
Bank yol layihəsinin realizəsinə 55,4 mln. dollar ayırıb. Yolun uzunluğu 39 kilometrdir. Yolun bu sahəsi Şərq - Qərb avtomagistralının Yevlax - Gəncə və Qazax - Gürcüstan sərhədi sahələrinin yenidənqurma layihəsinə daxildir. Bu layihənin maliyyələşdirilməsində də AİB-in vəsaitlərindən istifadə edilir. Lakin layihənin bahalaşması ilə əlaqədar əlavə maliyyə tələb olunub. O, Azərbaycanda yol layihələri üçün 2007- ci ilin sentyabrında 500 mln. dollar dəyərində təsdiq edilmiş multitranş paketdən (Multitranche Financing Facility - MFF) qalan vəsaitlərdən təqdim ediləcək.
Hökumət AİB-lə 1999 - cu ildən əməkdaşlıq edir. İndiyədək Bank ölkə üçün dövlət zəmanəti altında 304 mln. dollar kredit təsdiqləyib.
Müəlliflə əlaqə saxlamaq üçün elektron ünvan: [email protected]