Azərbaycan, Bakı, 19 noyabr/ Trend , müxbir Ü.İsmayılova/ Oktyabrda Bakının qeyri -yaşayış, kommersiya obyektləri bazarında qiymətlər sentyabr ilə müqayisədə 2,7 faiz, ilin əvvəlinə nisbətdə 28,5 faiz, birinci rübə nisbətdə isə 1,6 faiz azalıb. Bu barədə çərşənbə günü "Əmlak bazarı iştirakçıları" İctimai Birliyindən bildiriblər.
Kommersiya obyektinin bir kvadratmetrinin orta qiyməti sentyabrın 3661 dollarına nisbətdə 3559 dollar təşkil edib.
Təşkilatdan bildiriblər ki, kommersiya obyektlərinin icarə qiymətləri 2,7 faiz düşüb.
Təkcə şəhərin ikinci zonasında cüzi bahalaşma müşahidə olunub, qalan bütün rayonlardan oktyabrdan qiymət enməsi qeydə alınır.
Oktyabrda bazara təklif olunan qeyri-yaşayış sahələrinin sayı 5,7 faiz, obyektlərin alqı -satqısı üzrə əməliyyatların sayı 5,2 faiz azalıb, obyektlərin ekspozisiya müddəti üzrə 4,1 faiz artım müşahidə olunub.
Məqalə müəllifi ilə əlaqə ünvanı - [email protected]
