Gürcüstan, Tbilisi, 20 noyabr / Trend , müxbir N.Kirtsxaliya/ İrlandiyanın xarici işlər naziri Maykla Martinin Tbilisiyə səfəri çərsivəsində, ikiqat vergitutmanın aradan qaldırılması və vergidənyayınmanın qarşısının alınması barədə dövlətlərarası razılaşma imzalanıb. Gürcüstan tərəfdən sənədə xarici işlər naziri Yekaterina Tkeşelaşvili imza atıb.
"İrlandiya avqust hadisələrindən sonra Gürcüstanın ərazi bütövlüyünü dəstəklədiyini bildirən ölkədir", - Tkeşelaşvili imzalanmanın yekununa həsr olunmuş mətbuat konfransında deyib: "Bu ölkə eyni zamanda Gürcüstan üçün donor konfranslarının uğurlu təşkilində əhəmiyyətli rol oynayıb".
Nazirin sözlərinə görə, ikitərəfli münasibətlərin inkişafı baxımından, İrlandiya ilə Gürcüstanın yaxşı perspektivləri var.
Tkeşelaşvili irlandiyalı həmkarı ilə görüşdə Gürcüstanın Avropa İttifaqına inteqrasiyası məsələsinə də toxunub.
İrlandiyanın xarici işlər naziri bəyan edib ki, Gürcüstandakı iqtisadi iqlim çox cəlbedicidir və rəsmi Dublin biznesin inkişafına və sərmayə cəlbinə öz əmanətlərini qoymağa hazırdır.
Müəlliflə əlaqə ünvanı: [email protected]
