Azərbaycan, Bakı, 21 noyabr/ Trend , müxbir Ü.İsmayılova/ "Azərbaycan hökuməti ölkəyə idxal olunan cinc mal - qaranın əlavə dəyər vergisi və gömrük rüsumundan azad edilməsi ideyasını dəstəkləyir", - deyə cümə günü Azərbaycan Dövlət Gömrük Komitəsinin rəhbəri Aydın Əliyev bildirib.
"Bu qərar ölkədə heyvandarlığın inkişafı üçün çox mühümdür, buna görə də hökumət belə bir addım atıb", - deyə Əliyev bildirib.
Bu təklif ölkənin Kənd Təsərrüfatı Nazirliyindən daxil olub.
Azərbaycanın kənd təsərrüfatı naziri İsmət Abbasov əvvəllər bildirib ki,
idarə heyvandarlıq və cins mal - qara üçün ölkəyə idxal olunan yemin əlavə dəyər vergisindən azad edilməsi xahişi ilə Nazirlər Kabinetinə müraciət edib. Məqsəd "2008 -2015 - ci illərdə əhalinin ərzaq məhsulları ilə etibarlı təminatı Dövlət Proqramı" çərçivəsində, yerli istehsal hesabına Azərbaycanda kənd təsərrüfatı məhsullarının stimullaşdırılması və gələcəkdə əhalinin ərzaq təminatının yaxşılaşdırılmasıdır.
Hazırda Azərbaycanda 80 - dən çox iri özəl heyvandarlıq təsərrüfatı fəaliyyət göstərir. Ölkədə 11 regional, 60 şəhər və rayon süni mayalandırma mərkəzi istifadəyə verilib.
Bu sahədə problemlərin aradan qaldırılması üçün cins mal - qaranın tərkibini yaxşılaşdırmaq və bu istiqamətdə işləri genişləndirmək lazımdır. Bu məqsədlə hər il yeddi-səkkiz min baş cins mal-qara almaq lazımdır.
Məqalə müəllifi ilə əlaqə ünvanı - [email protected]
