Azərbaycan, Bakı, 24 noyabr / Trend , müxbir N. İsmayılova/Azərbaycan və Əfqanıstandan başqa, CAREC (Mərkəzi Asiya Regional İqtisadi Əməkdaşlıq) Proqramı üzvü olan ölkələrdə inflyasiya təzyiqi şərtlərində siyasətin sərtləşdirilməsi nəticəsində 2008- ci ildə pul kütlələrinin artımı azalacaq, - Beynəlxalq Valyuta Fondunun (BFV) Yaxın Şərq və Mərkəzi Asiya ölkələri departamentinin hazırladığı "Regional iqtisadi inkişafın perspektivi" məruzəsində deyilir.
BVF-nin araşdırmalarına əsasən, CAREC ölkələrində pul kütləsi ÜDM - dən daha tez artır. Məruzədə bunun qismən monetizasiya və maliyyə bazarının dərinləşməsi prosesləri nəticəsində baş verdiyi deyilir. 2009 - cu ildə, ötən illə müqayisədə, 20 -30 % artım proqnozlaşdırılır.
Məruzəyə görə, CAREC Proqramına üzv ölkələrdən Azərbaycanda ödəmə balansında qiymətlərin dəyişməsinin birja məhsullarına təsiri daha artıqdır. Təsirin həcmi -1,5 faizdən (Tacikistanda) - +5,5 faizədək (Azərbaycanda) dəyişir.
Birja məhsullarına yüksək qiymətlər və tələbat təzyiqinin qarşısının alınması məqsədilə məsrəflərin azaldılması sayəsində, Azərbaycan, Qazaxıstan və Özbəkistan dövlət büdcəsində böyük profisitə malikdirlər.
CAREC ölkələrində dövlət borcunun azalması tendensiyası da müşahidə olunur. 2009 - cu ildə dövlət borcunun səviyyəsi ÜDM -in 10 faizindən az olacaq.
Gələn il bütünlükdə CAREC ölkələrində ümumi ehtiyatlar artmaqda davam edəcək. Son beş ildə CAREC ölkələrinin və Çinin rəsmi ehtiyatları beş dəfə artıb. Məruzədə deyildiyi kimi, ehtiyatların yığılması və borcların azalması regiona, inkişaf problemlərini həll etməyə imkan verəcək.
Müəlliflə əlaqə ünvanı: [email protected]
