Azərbaycan, Bakı, 25 noyabr / Trend , müxbir Ü.İsmayılova/ Rusiyanın "İnqosstrax" iri sığorta şirkətinin Bakı nümayəndəliyinin rəhbəri Kəmalə Bağırovanın Trend - a müsahibəsi
- Dünya maliyyə böhranı "İnqosstrax" iri sığorta şirkətinin fəaliyyətinə necə təsir edib?
- Fond və bank sektorundan fərqli olaraq, sığorta sahəsi hələ maliyyə böhranından zərər çəkməyib. Amma bizim proqnozlarımıza görə, gələn il sığortaçılar üçün ağır olacaq. Biz qarşımıza bazarın böyük hissəsini və ya sığorta haqqının 30 faizli artımını əldə etmək vəzifəsi qoymamışıq, çox mühafizəkar büdcə - 2008- ci ilin səviyyəsini saxlamağı - tərtib etmişik. Hətta 2009- cu ildə, strategiyada nəzərdə tutulan 20 faizli artım əvəzinə, sığorta haqlarının yığılması 10 faiz azala bilər. Gələn il şirkətin gəlirinin də aşağı düşməsi mümkündür. Düşünürəm ki, dünya böhranının təsiri indi göründüyündən xeyli ciddi olacaq. Fond bazarının məhdudlaşması, borclanmanın dəyərinin bahalaşması, bank sektorundakı vəziyyət - bütün bunlar 6 -9 ay sonra özünü tam şəkildə göstərəcək.
Son vaxtlar şirkətdə səhmlərin yerləşdirilməsi zamanı risklərin qiymətləndirilməsinə yüksək diqqət yetirilir, aylıq rejimdə göstəricilərə yenidən baxılır. "İnqosstrax" artıq xərclərini optimallaşdırır: böyük maliyyə yerləşdirilməsini tələb edən və ya qısamüddətli perspektivdə gəlir gətirməyən bir sıra layihələrdən imtina etmək və ya onları dondurmaq planlaşdırılır. Bu, kredit sığortası "satan" personalın ixtisarına səbəb olacaq, eyni zamanda reklamlar və PR bölmələr, strateji layihələrin inkişafı da optimallaşdırmalara məruz qalacaq. Korporativ idarəetmə xidmətləri əlavə oluna bilər. Təkcə mərkəzdə yox, regional bölmələrdə də bəzi ixtisarlar həyata keçiriləcək.
Şirkətin xərclərinin məhdudlaşdırılması, icarə haqlarının, agent komissiya mükafatlarının və ola bilsin, əməkdaşların və rəhbərliyin maaşlarının azalması ilə müşayiət oluna bilər.
Bu proseslərlə yanaşı, "İnqosstrax" nisbətən əlverişsiz bölgələrdə OSAQO - nun həcmini azaldır. OSAQO sığorta növü "gənc" olduğundan, tariflərin və regional əmsalların düzgün müəyyən olunması üçün statisitika yetərli deyil, həm ümumilikdə, həm də ayrı-ayrı bölgələr üçün tariflərin adekvat olmaması riski mövcuddur. Bu riskin minimuma endirilməsi üçün "İnqosstrax" OSAQO seqmentində məhdud şəkildə iştirak edir, bölgələr üzrə zərərlilik dərəcəsini diqqətlə izləyir.
İlk növbədə, televiziya və radioda reklam xərcləri ciddi şəkildə azalmaya məruz qalır.
Eyni zamanda, "İnqosstrax"ın Rusiyanın iri şəhərlərində "Sağlam ol" ("Bud zdorov") klinikalar şəbəkəsinin açılışı ilə bağlı layihəyə dəyişikliklər edilib. Yaxın 2-3 il üçün nəzərdə tutulan 24 müalicə müəssisəsindən gələn il yalnız beşi fəaliyyətə başlayacaq. Bu obyektiv vəziyyətdir: şirkət ağır şəraitdə normal çalışmaq istəyirsə, xərcləri azaltmalıdır.
- Yaranmış vəziyyət "İnqosstrax"ın Bakı nümayəndəliyinin fəaliyyətinə necə təsir göstərəcək?
- Şirkətin Azərbaycan nümayəndəliyinin fəaliyyətində xüsusi dəyişikik nəzərdə tutulmur. Əvvəllər olduğu kimi, nümayəndəliyin işi, əsasən, yerli yenidənsığorta bazarında şirkətin payını artırmağa yönəlib.
- Dünya böhranı başladıqdan sonra şirkətin sığorta haqqı və ödəmələri necə dəyişib?
- İlkin məlumatlara görə, doqquz ay ərzində "İNQO" qrupuna daxil olan şirkətlərin müştərək topladığı pulların həcmi 52,2 mlrd. rubl olub -- ötən ilin analoji göstəricisindən dörddə bir faiz çox.
Hesabat dövrü ərzində şirkətin ödəmələri 31,8 mlrd. rubl olub ki, bu, ötən ilin analoji göstəricisindən üçdə bir faiz çoxdur.
"İNQO" qrupuna daxil olan şirkətlərin yenidənsığrtaya qəbul edilən birbaşa sığortalar və risklərlə bağlı əməliyyatlar, eyni zamanda icbari tibbi sığorta əməliyyatları üzrə müştərək sığorta haqqının həcmi yanvar - sentyabrda 46,9 mlrd. rubl olub -- 2007- ci ilin müaviq göstəricisilə müqayisədə, 26 faiz çox.
Rusiya qruplarının bu dövrdə ödəmələri 27,7 mlrd. rubl olub ki, bu, ötən ilin 9 ayı ilə nisbətdə 32 faiz artıqdır.
"İnqosstrax"ın topladığı sığorta haqlarının ümumi həcmi 9 ay ərzində 34,7 mlrd. rubla çatıb ki, bu, ötən ilin analoji dövrü ilə müqayisədə 22 faiz çoxdur. O cümlədən, birbaşa sığorta ödəmələri əməliyyatlarının həcmi 31,3 mlrd. rubl (23 faiz artım), daxil olan yenidənsığorta əməliyyatları - 3,4 mlrd. rubl (16 faiz artım) olub.
Həyatın sığortalanmasından (daxil olan yenidənsığortalar da aid olmaqla) başqa digər könüllü sığortalarda "İnqosstrax"ın sığorta haqları 22 faiz artaraq 31 mlrd. rubl olub. Nəqliyyat vasitələri sahiblərinin məcburi mülki məsuliyyət sığortalanması üzrə "İnqosstrax"a 3,7 mlrd. rubl (18 faiz artım) daxil olub.
Doqquz ay ərzində "İnqosstrax"a ödəmələrin ümumi həcmi, 2007- ci ilin həmin dövrü ilə müqayisədə 24 faiz artaraq, 17,3 mlrd. rubl olub. Birbaşa sığorta ödəmələri üzrə əməliyyatları 14,8 rubl (+20 faiz), daxil olan yenidənsığorta əməliyyatları 2,5 mlrd. rubl (+62 faiz) təşkil edib.
Həyatın sığortalanmasından (daxil olan yenidənsığortalar da aid olmaqla) başqa, digər könüllü sığortalarda şirkətin ödəmələri 15,4 mlrd. rubl (25 faiz artım) olub.
OSAQO üzrə ödəmələr bu dövr ərzində 1,9 mlrd. rubl (+14 faiz) olub.
Hesabat dövründə "İnqosstrax" "İnqosstrax-Jizn", "İnqosstrax-M", "Fövqəladə sığorta şirkəti" ASC, "EMESK" Beynəlxalq Sığorta Şirkəti ASC-nin səhmləri, 2007- ci ilin analoji dövrü ilə müqayisədə 20 faiz artaraq, 64 mln. Rubla çatıb. "İNQO" Rusiya şirkətlər qrupunun sığorta ehtiyatlarının artımı 21 faiz olub, mütləq sığorta ehtiyatları 45,9 mlrd. rubla bərabərdir.
Oktyabrın 1-nə xusisi kapital 12,8 mlrd. rubla çatıb və bu, 2007- ci ilin analoji göstəricisilə müqayisədə, 15,4 faiz çoxdur. Bu şirkətlərin xalis gəliri 1,5 mlrd. rubl olub.
- Rusiya sığorta bazarının iştirakçıları gələn ildən nə gözləyir?
- Sığorta şirkətlərinin sonunun yaxınlaşdığından danışmaq hələ tezdir, amma istisna deyil ki, 2009 - 2010 - cu illərdə onların sayı iki dəfə azalacaq. Böhran daha çox uzunmüddətli həyat sığortaları üzrə ixtisaslaşan, sərmayə fəaliyyətindən əhəmiyyətli gəlir götürməyə istiqamətlənən şirkətlərə ziyan vuracaq. Amma belələrinin sayı çox deyil, rus sığorta şirkətlərinin əksəriyyəti sığortanın riskli növləri üzrə ixtisaslaşıb. Müştəri bazası az olan və ya sığorta xidmətlərinin məhdud seqmentində möhkəmlənən şirkətlərə çətin olacaq.
İnkişaf etmiş şəbəkəyə və balanslı portfelə malik sığortaçılar qazanacaqlar - onların riskləri diversifikasiya etmək imkanı olasaq;hər hansı tərəf sıradan çıxsa da, gəlirli istiqamətlər hesabına zərəri kompensasiya etmək mümkün olacaq. Sığorta sahəsində təbii seçmə olacaq, nəticədə, seleksiyada güclülər və nisbətən peşəkar şirkətlər qalacaqlar.
"İnqosstrax"a gəlincə, maliyyə bazarının məhdudlaşması fonunda, şirkət yeni texnologiyalar tətbiq etməklə, itkiləri optimallaşdırmaq yolu ilə biznesin səmərəliliyini artırmaqla, qabaqlayıcı templərlə korporativ biznesin ayrı - ayrı sığorta növlərini inkişaf etdirərək, həm korporativ, həm də pərakəndə bazarda payını artırmaq niyyətindədir.
Fəaliyyətdə olan "İnqosstrax"ın əsas məqsədi bazarda payını və biznesinin gəlirliliyini artırmaqdır. Maliyyə - iqtisadi böhranı şəraitində də şirkət bu məqsədi rəhbər tutacaq.
Şirkətin yaxın persektiv üçün nəzərdən keçirdiyi sığorta xidmətləri satışının genişlənməsi tədbirləri əhalinin sığortalanması bazarında əməliyyatlar, ilk növbədə, avtonəqliyyatın könüllü sığortası, fiziki şəxslərin əmlak və könüllü tibbi sığortasının inkişafını ehtiva edir.
Sığorta haqlarının yığılması baxımından, KASKO sığortaları ən iri seqment olaraq qalır. Şirkət avtomobil, əmlak və könüllü tibbi sığorta üzrə məhsuldarlıq xəttini genişləndirməyə, eyni zamanda RF ərazisində məhsuldar yer tutmağa niyyətlidir.
İnkişaf edən böhran şəraitində, şirkətin əsas cəhdləri sığorta xidmətlərinin səmərəliliyini artırmağa - dələduzluqla mübarizəyə və texnoloji prosesləri optimallaşdırmağa, həm Moskvada, həm də bölgələrdə tarifləşdirmə sisteminin və müştərilərin seqmentləşdirilməsinə yönələcək.
Müəlliflə əlaqə ünvanı: [email protected]
