Azərbaycan, Bakı, 04 dekabr/ Trend , müxbir N.İsmayılova/ Bu gün Standard & Poor's beynəlxalq reytinq şirkəti Azərbaycanın AGBank-na (AGB) kontragent kredit reytinqləri - uzunmüddətli "B-" və qısamüddətli "C" reytinqlərini verib. Proqnoz "Sabit". AGB Standard & Poor's-un reytinqlərini alan ilk Azərbaycan bankıdır.
"AGB - nin reytinqləri dünya maliyyə böhranı və neftin qiymətinin düşməsi şəraitində Azərbaycandakı yüksək iqtisadi və sahə risklərini, məhdud müştəri bazası və zamanla yoxlanılmamış kredit portfelini əks etdirir", - Standard & Poor's-un kredit analitiki Viktor Nikolski bildirib.
Müsbət reytinq amillərinə bankın əsas fəaliyyət növlərinin məqbul rentabellilik səviyyəsi, adekvat kapitallaşma daxildir.
2008-ci il iyunun 30-na olan vəziyyətə görə, AGB 195 mln. manat (239 mln. dollar) məcmu aktivlərlə kiçik özəl kommersiya bankıdır və aktivlərinin ölçüsünə görə, Azərbaycan bankları arsında doqquzuncu yeri tutur. Əsas müştəri bazasını ölçüsünə görə kiçik və orta ticarət müəssisələri, sənaye və tikinti şirkətləri, orta sinfin nümayəndələri və daha çox təmin olunmuş xüsusi şəxslər təşkil edir.
AGB-nin reytinqləri onun şəxsi kreditqabiliyyətliliyini əks etdirir və fövqəladə vəziyyətdə xarici dəstəyə görə əlavə pillələri daxil etmir. Bankın rentabelliliyi məqbul səviyyədədir. Hesabatlılıqda göstərilmiş AGB - nin aktivlərinin keyfiyyət göstəricisi yaxşıdır - agentliyin məlumatında deyilir.
Məhdud müştəri bazası və ehtiyat bazasının qeyri - kafi diversifikasiyası bankın maliyyə çevikliyini məhdudlaşdırsa da, kapitallaşma məqbul səviyyədədir.
"Sabit" proqnozu bankın adekvat rentabellilik və nisbətən sabit kapitallaşma göstəricilərini dəstəkləyərək, müştəri bazasının qurulmasına tərəqqi nümayiş etdirəcəyinə dair gözləmələri əks etdirir.
"Reytinqin artması yüksək əməliyyat göstəricilərinin daha davamlı dövründən, risk - menecment sisteminin təkmilləşdirilməsində tərəqqidən və əməliyyat mühitinin yaxşılaşdırılmasından asılı olacaq, - Nikolski bildirib. - Cari reytinqlərin bankın maliyyə profilinin bir qədər zəifləməsinin mümkünlüyünü nəzərdə tutsa da, bu zəifləmə gözlənildiyindən daha çox olsa, biz, mənfi reytinq təsiri göstərə bilərik".
Bank 48 faiz Müşahidə Şurasının sədri Çingiz Əsədullayevə və onun biznes tərəfdaşına məxsusdur və onlar tərəfindən idarə olunur. Minoritar səhmdarların sırasına Amerikanın Kazimir Investment LTD Sərmayə Fondu (10 faiz) və Beynəlxalq Maliyyə Korporasiyası (International Finance Corporation; IFC, ААА/Sabit/А-1+; 17,5 faiz) daxildir. Əsas səhmdarlar AGB- nin inkişafı işinə sadiq olsalar da, onların banka dəstək göstərməsi qabiliyyəti stress vəziyyətlər şəraitində yoxlanılmayıb.
Bankın rentabelliliyi məqbul səviyyədədir; 2007-ci ildə aktivlərin rentabelliliyi (ROA) 2,7 faiz, 2008 - ci ilin birinci yarısında 2,9 faiz təşkil edib. Müsbət xüsusiyyətlər sırasına yüksək faiz marjası və biznes həcminin sürətli artımı daxildir.
2008 -ci il iyunun 30 - na olan vəziyyətə görə, problemli borclar (NPL; ödənilməsi 90 gündən artıq yubadılan borclar) qənaətbəxş səviyyədə qalıb və məcmu kredit portfelinin 4 faizini təşkil edib. Vaxtı ötmüş kreditlər (ödənilməsi 30 gündən çox yubadılan) 10 faiz təşkil edib, bu da yüksək göstəricidir və ölkədə aşağı ödəmə mədəniyyəti səviyyəsini əks etdirir.
İyunun 30- na depozitlər bütün öhdəliklərin təxminən 43 faizini təşkil edib. Likvidlik adekvat səviyyədədir, pul vəsaitləri məcmu aktivlərin yalnız 13 faizinə bərabər olub.
Kapitallaşma səviyyəsi məqbuldur və 2008-ci ilin birinci yarısında Kazimir İnvestment LTD-in ayırdığı vəsait və bölünməmiş mənfəətin kapitala əlavə edilməsi nəticəsində artıb. Düzəlişlər edilmiş məcmu kapitalın (ATE) aktivlərə nisbəti 14 faiz səviyyəsində (iyunun 30-na) yüksək həddə çatsa da, ehtimal ki, aktivlərin sürətli artımı bankın kapitallaşmasına təsir göstərəcək.
Dekabrın 4 - nə olan cari mübadilə məzənnəsi - 0,8092 AZN/USD.
Müəlliflə əlaqə saxlamaq üçün elektron ünvan: [email protected]