Azərbaycan, Bakı, 04 dekabr/ Trend müxbir E.İsmayılov/ "Bakının Baş planının qəbulu ən azı iki il çəkəcək", - Azərbaycanın Baş nazirinin müavini Abid Şərifov cümə axşamı bildirib.
"Bu, qısa müddətdə həlli mümkün olmayan çox vacib və çətin məsələdir, - Şərifov bildirib. - Planın işlənilməsinin təşkili üçün dövlət komissiyası yaradılıb və bu prosesə aparıcı mütəxəssisləri cəlb etmək planlaşdırılır".
Baş planın işlənilməsinə görə Memarlıq və Şəhərsalma üzrə Dövlət Komitəsi məsuliyyət daşıyır. Hazırda Komitə potensial podratçıları seçir.
Baş nazir müavininin sözlərinə görə, hazırda Baş Planın işlənilməsi məsələsi də Dünya Bankının "Azərsu" SC ilə realizə etdiyi Azərbaycanın kiçik şəhərlərində su təchizatı və kanalizasiya sisteminin yaxşılaşdırılması layihəsinə daxil edilib.
DB ölkənin 22 regional mərkəzində su tədarükü və kanalizasiya xidmətlərinin keyfiyyətinin artırılmasına yönəlmiş və ümumi dəyəri 310 mln. dollar olan layihəyə 230 mln. dollar ayırıb.
Layihə üç komponentdən ibarətdir: 22 kiçik şəhərdə su tədarükü sistemlərinin reabilitasiyası və genişləndirilməsinin maliyyələşdirilməsinə sərmayələrin yatırılması; Böyük Bakının Abşeron yarımadasında infrastruktura gələcək sərmayələr layihəsinin işlənilməsini nəzərdə tutan regional inkişaf planının tərtib edilməsi; "Azərsu" və onun bölmələri, "NMR-də Meliorasiya və Su Təsərrüfatı" Dövlət Agentliyinin müasirləşdirilməsi üçün əsas islahatların realizəsinin dəstəklənməsi.
Müəlliflə əlaqə saxlamaq üçün elektron ünvan: [email protected]
