Azərbaycan, Bakı, 12 dekabr / Trend müxbir Ü.İsmayılova/ Azərbaycanın Maliyyə Nazirliyi ölkədə sığorta fəaliyyəti zamanı prudensial nəzarət və hesabatlılıq normalarını təsdiq edib, - nazirlikdən cümə günü bildiriblər.
Aşağıda göstərilmiş hesabatlar rüblük və illik əsasda təqdim edilməlidir:
- sığortaçı (təkrarsığortaçı) və sığorta brokerinin mühasibat balansının hesabat forması;
- mənfəət və zərərlər haqqında, sığorta sazişləri, sığorta və təkrarsığorta sazişləri üzrə hesablanmış sığorta haqqları və ödənişləri haqqında hesabatlar;
- təkrarsığorta üzrə sığorta ödənişləri və sığorta haqqları haqqında, təkrarsığorta əməliyyatları haqqında, sığortaçının (təkrarsığortaçının) təkrarsığorta riskləri üzrə təkrarsığorta haqqları haqqında.
Həmçinin rüblük və illik əsasda hesabat formaları təqdim olunmalıdır:
- avtonəqliyyat vasitələri sahiblərinin vətəndaş məsuliyyətinin icbari sığortası üzrə sığorta ödənişləri;
- qaytarılmış sığorta (təkrarsığorta) üzrə sığorta haqqları, dövlət müəssisələri ilə sığorta (təkrarsığorta) üzrə sığorta haqqları;
- işlərin görülməsi üzrə xərclər;
- əlavə maliyyələşdirmə üzrə əlavə ehtiyatlar haqqında;
- sığorta vasitəçiləri üçün qəbul edilmiş komisyon haqqlar;
- sığorta brokerlərinin fəaliyyət hesabatı;
- sığortaçının (təkrarsığortaçının) Nizamnamə kapitalında iştirak edən şəxslərin (səhmdarların) fəaliyyət hesabatı.
Sığorta (təkrarsığorta) əməliyyatları haqqında təcili hesabat forması aylıq, rüblük və illik əsasda təqdim edilməlidir.
Müəlliflə əlaqə saxlamaq üçün elektron ünvan - [email protected]