Azərbaycan, Bakı, 15 dekabr/ TrendCapita , müxbir S.Babayeva/ "Bazar ertəsi Azərbaycanda quş qripi xəbərdarlığı ilə üzrə növbəti monitorinq başlayıb", - ölkənin Kənd Təssərrüfatı Nazirliyi yanında Dövlət Baytarlıq Xidmətinin mətbuat katibi Yolçu Xanvəli bildirib.
Onun sözlərinə görə, "iki həftəlik monitorinq həm ev, həm də vəhşi quşlar üzrə aparılacaq".
Abşeron yarımadası və yaxın əraziləri, Dəvəçi, Salyan, Ağcəbədi və Lənkəran rayonlarını, Xəzərin sahilyanı xəttini əhatə edən monitorinq Baytarlıq Xidməti, Ekologiya, Səhiyyə Nazirlikləri və Azərbaycan Ovçular Cəmiyyətinin mütəxəssislərindən ibarət xüsusi komissiya tərəfindən aparılır.
Monitorinq üzrə laborator rəyi dekabrın 26 - da açıqlanacaq.
Cari ildə aparılmış əvvəlki beşinci monitorinq də ölkə ərazisində quş qripi virusunun olmamasını göstərib.
Ötən il Dövlət Xidməti Azərbaycanda 12 monitorinq həyata keçirib, 8 mindən çox çöl və ev quşu nümunəsini tədqiq edib və onların heç birində virus daşıyıcısı aşkar etməyib.
Müəlliflə əlaqə saxlamaq üçün elektron ünvan:[email protected]