Azərbaycan, Bakı, 18 dekabr/ Trend / Azərbaycan bankı Bank Respublika-nın aktivləri üzrə artım 2008 -ci ilin yanvar-noyabr ayıları ərzində 52,6% təşkil edib. Bu barədə bankın cümə axşamı yayılan məlumatında bildrilir. Bankın aktivləri dekabrın 1-nə 386,4 mln. Manat təşkil edib.
Bankın kredit portfelinin həcmi ötən 11 ay ərzində 65,9% artaraq, 264,4 mln. manata çatıb.
Müştərilərin depozitləri dəhesabat dövründə artıb və 140,9 mln. manatı üstələyib. Əhalinin əmanətlərinin həcmi yanvar-noyabr ayları ərzində 16,9% artaraq, cari ilin dekabrına 61,2 mln. manatı, əhalinin cari hesablarındakı vəsaitlərinin həcmi isə 16,6 mln. manatı ötüb. Hesabat dövrü ərzində Bank Respublika-da hüquqi şəxslərin depozitləri 63 mln. manata çatıb ki, onların 32,2 mln. manatı müddətli depozitlər, 30,8 mln. manatı isə cari hesablardakı vəsaitlərdir.
2008 - ci ilin yanvar-noyabr ayları ərzində Bank Respublika-nın məcmu kapitalı 83,1% artaraq 43,3 mln. manata, Nizamnamə kapitalı isə 79,5% artımla 22,6 mln. manata çatıb.
2008 -ci ilin yanvar-noyabr aylarının maliyyə nəticələri görə, Bank Respublika-nın gəlirləri 55 mln. manat, xərcləri isə 41,7 mln. manat təşkil edib. Bu dövr ərzində Bankın balans mənfəəti 13,3 mln. manat olub.
Dekabrın 18 -nə rəsmi məzənnə 0,8008 AZN/USD təşkil edib.
Məqalə müəllifi ilə əlaqə ünvanı - [email protected]
