Azərbaycan, Bakı, 19 dekabr/ Trend , müxbir N.İsmayılova/ Moody's Investors Service Beynəlxalq Reytinq Agentliyi Azərbaycanın NBC Bank-na milli və xarici valyutada olan əmanətlər üçün CAA1 səviyyəsində uzunmüddətli, NP qısamüddətli reytinq verib, - bankın məlumatında deyilir.
Bütün reytinqlər "stabil" proqnozuna malikdir.
Moodys İnvestors Service NBC Bankın güclü kapitallaşmaya malik olmasını, avtomobil kreditləri üzrə ixtisaslaşmış bank kimi, lider mövqelərdən birinə sahib olmasını, kiçik və orta sahibkarlıq kreditləri sektoruna istiqmətlənməsini müsbət dəyərləndirir.
Bankın məlumatında deyilir ki, NBC Bank-a verilmiş reytinqləri bankın şəffaflığının, korporativ idarəetmə standartlarının tətbiqinin, beynəlxalq standartların və Bazel II prinsiplərinin tətbiqində mütərəqqiliyinə dəlalət edir.
NBC Bank 1992 - ci ildə "Ruzi bank" kimi təsis edilib. 2003 - cü ilin yanvarında bank adını NBC Bank-a dəyişib. Hazırda bankın 7 filial və 5 bankomatı fəaliyyət göstərir.
Müəlliflə əlaqə saxlamaq üçün elektron ünvan: [email protected]