Azərbaycan, Bakı, 22 dekabr/ Trend , müxbir N.İsmayılova/ Dövlət Əmlakının İdarə Edilməsi üzrə Dövlət Komitəsi dövlət əmlakının özəlləşdirilməsi üzrə Dövlət Proqramı çərçivəsində "Biyan" Açıq tipli Səhmdar Cəmiyyətinin səhmlərinin satışı üzrə investisiya müsabiqəsinə yekun vurub. Bu barədə Komitənin məlumatında bildirilir.
Müsabiqə komissiyası BMI Məhdud Məsuliyyətli Cəmiyyətini müsabiqənin qalibi elan edib.
BMİ təqdim etdiyi layihə çərçivəsində biyan istehsalının inkişaf etdirilməsi məqsədilə Biyan ASC-yə iki il ərzində 200 min manat sərmayə yatıracaq. Bu sərmayələr, əsasən, biyan bitkisi plantasiyalarının yaradılması, biyanın tədarükü və emalının daha da inkişaf etdirilməsinə yönəldiləcək. Qoyulacaq sərmayələrə müsair avadanlıq və texnologiyalar alınacaq ki, bu da biyan kökündən müxtəlif adda rəqabətqabiliyyətli məhsulların istehsalına imkanlar yaradacaq.
Məlumatda bildirilir ki, BMİ dövlət büdcəsinə 70 min manat vəsait köçürüb və 7 min ədəd dövlət özəlləşdirmə çekinin təqdim edilməsini öhdəsinə götürüb.
Dekabrın 22-nə olan rəsmi məzənnə 0,802 AZN/USD təşkil edir.
Məqalə müəllifi ilə əlaqə ünvanı - [email protected]