Azərbaycanda qiymətli metalların və daşların, onlardan hazırlanmış zərgərlik məmulatlarının dövriyyə qaydalarının pozulmasına görə məsuliyyət artır

Azərbaycan, Bakı, 29 dekabr/ Trend , müxbir İ.Xəlilova/ Azərbaycanda qiymətli metalların və daşların, onlardan hazırlanmış zərgərlik məmulatlarının və digər məmulatların dövriyyə qaydalarının pozulmasına görə məsuliyyətin gücləndirilməsi məqsədilə cərimələrin məbləğini üç dəfədən 20 dəfəyədək artırmaq planlaşdırılır, -ölkə hökumətindən bazar ertəsi bildiriblər. Bu tədbirlər İnzibati Xətalar Məcəlləsinə düzəlişlər layihəsində nəzərdə tutulub. Düzəlişlər layihəsinin dekabrın 30 - da parlamentdə müzakirəsi gözlənilir.

Qiymətli metallar və daşların istehsalı, emalı, istifadəsi və dövriyyəsi qaydalarının pozulmasına görə fiziki şəxslər üçün cərimələr 30 - 40 manatdan 100 - 400 manatadək, vəzifəli şəxslər - 60 - 90 manatdan 500 - 800 manatadək, hüquqi şəxslər - 100 -150 manatdan 1000 - 3000 manatadək artırılacaq.

Qiymətli metallar və daşlar, həmçinin, onlardan hazırlanmış məmulatların müdafiəsi, pərakəndə satışı, uçotu, saxlanılması, onların hissələri və tullantılarının yığılması qaydalarının pozulmasına görə sanksiyalar fiziki şəxslər üçün 20 - 40 manatdan 100 - 400, vəzifəli şəxslər - 60 - 90 manatdan 500 - 800 manatadək, hüquqi şəxslər - 100 - 150 manatdan 1000 - 3000 manatadək artırılacaq. 

Düzəlişlərə əsasən, dövlətin əyar möhürü olmadan və ya saxta möhürlü zərgərlik məmulatları və onlardan hazırlanmış digər məişət məmulatlarının satışına görə fiziki şəxslərə  cərimələr hazırki 20 - 40 manata qarşı 100 - 400 manat, vəzifəli şəxslər -500 - 800 manata (60 - 90 manat), hüquqi şəxslər -1000 - 3000 manata (100 -150) artırılacaq.

Dekabrın 29 - na olan cari mübadilə məzənnəsi -- 0,8005 AZN/USD.

Müəlliflə əlaqə saxlamaq üçün elektron ünvan: [email protected]