Əfqanıstan, Kabil, 30 dekabr/ Trend , müxbir A.Hakimi/ Tacikistanın Kabildəki səfiri Şarofiddin İmomov Əfqanıstanın vitse-prezidenti Məhəmməd Kərim Xəlil ilə Əfqanıstan və Tacikistan arasında ticarət və iqtisadiyyat sahəsində gələcək əməkdaşlığın genişləndirilməsi məsələlərini müzakirə ediblər. Bu barədə Əfqanıstanın Xarici İşlər Nazirliyinin mətbuat xidmətindən məlumat verilib.
Tacikistandan Əfqanıstandan keçməklə, İrana dəmir yolunun layihələndirilməsi məsələsi danışıqların ayrıca mövzusu olub. Bu layihə son iki ildə Əfqanıstan, Tacikistan və İranda rəsmi şəxslər tərəfindən müzakirə olunub. Üç ölkənin xarici işlər nazirlərinin görüşü 2008 - ci il martın 24 -25 - də Düşənbədə keçirilib.
Üçtərəfli sammit üçtərəfli əməkdaşlıq və Tacikistan, Əfqanıstan və İranın İqtisadi Şurasının yaradılmasına yeni cəhdlərin dəstəklənməsi üçün keçirilib. İran Tacikistanda bir neçə su - elektrik stansiyası və Tacikistan - Əfqanıstan - İran yolunun tikintisində iştirak edir. Ticarətin genişləndirilməsi, ixracın artırılması, regionda nəqliyyat üzrə gömrük rüsumlarının azaldılması və sərnişin dövriyyəsinin artırılması üçün İran, Əfqanıstan, Tacikistan, Qırğızıstan və Çini birləşdirəcək dəmir yolunun tikintisi planlaşdırılıb.
Məqalə müəlliıi ilə əlaqə ünvanı - [email protected]