Azərbaycan, Bakı, 19 yanvar/ Trend , müxbir N.İsmayılova/
2007-ci ilin analoji göstəricisi ilə müqayisədə, 2008-ci il ərzində Azərbaycanda ÜDM 10,8 faiz artıb. Bu barədə bazar ertəsi Dövlət Statistika Komitəsindən məlumat veriblər. Cari qiymətlərdə ÜDM 38 mlrd. manat təşkil edib. Əhalinin adambaşına düşən ÜDM-in həcmi 9,5 faiz artaraq 4439,9 manat (5403,9 dollar) təşkil edib.
İqtisadiyyatın bütün sahələrində məhsul istehsalının ümumi həcmi 9,6 faiz artaraq əsas hissəsini - 57,4 faizini (21,8 mlrd. manat) sənayenin təşkil etdiyi ÜDM-in 70,8 faizinə bərabər olub. Xidmətlər sahəsinin ÜDM-də xüsusi çəkisi 22,1 faiz təşkil edib. Xidmətlər sahəsində əlavə dəyər istehsalı 2007-ci ilin analoji dövrü ilə müqayisədə, 13,7 faiz artıb. Məhsul və idxaldan xalis vergilər ÜDM-in 7,1 faizini təşkil edib.
2008 - ci ildə kənd təsərüfatı, ovçuluq sektoru və meşəçilikdə 2,2 mlrd. manatlıq əlavə dəyər istehsal edilib ki, bu da ümumi ÜDM-in 5,8 faizini təşkil edir. Tikinti sektorunda - 2,9 mlrd. manat (7,6 faiz), nəqliyyatda - 1,9 mlrd. manat (5,1 faiz), rabitə və poçt xidmətləri sektorunda - 708,7 mln. manat (1,9 faiz) topdan və pərakəndə satışda, avtomobil sahəsində, məişət məmulatları və şəxsi istifadə predmetlərinin təmiri üzrə xidmətlər sahəsində - 2 mlrd. manat (5,3 faiz), restoran və mehmanxana sektorunda - 283,1 mln. manat (0,7 faiz), sosial və digər xidmətlərin göstərilməsində - 3,5 mlrd. manat (9,1 faiz) əlavə dəyər formalaşıb.
Yanvarın 19-na olan cari mübadilə məzənnəsi -- 0,8036 AZN/USD.
Müəlliflə əlaqə saxlamaq üçün elektron ünvan: [email protected]