2008 - ci ildə Azərbaycan yük daşınmasını artırıb
Azərbaycan, Bakı, 19 yanvar/ Trend /
Dövlət Statistika Komitəsinin məlumatına əsasən, 2008 - ci ildə Azərbaycanın nəqliyyat sektoru 183 mln. ton müxtəlif yük daşıyıb ki, bu da 2007- ci ilin göstəricisindən 9,2 faiz çoxdur.
Daşınmış yüklərin ümumi həcminin 69,4 faizi özəl sektorun payına düşüb. Ötən il daşınmış yüklərin 48,1 faizi avtomobil nəqliyyatı, 30,4 faizi boru kəmərləri, 15 faizi dəmir yolu, 6,5 faizi dəniz nəqliyyatının payına düüşr.
2008 - ci il ərzində sərnişin nəqliyyatı ilə 1,2 mlrd. nəfər daşınıb ki, bu da 2007 - ci ilin göstəricisindən 8,2 faiz çoxdur. Sərnişin daşınmalarının 83,2 faizi özəl sektorun payına düşür. Sərnişinlərin əsas hissəsi avtomobil nəqliyyatı (83,2 faiz) və metro (16,1 faiz) ilə daşınıb.
Dəmir yolu nəqliyyatı 27,4 mln. ton müxtəlif yük daşıyıb ki, bu da 2007 - ci ilin göstəricisindən 3,1 faiz azdır.
Dəniz nəqliyyatı 11,9 mln. ton müxtəlif yük daşıyıb. Bu, 2007 - ci ildən 17 faiz çoxdur. Daşınan yüklərin 71 faizi neft və neft məhsulları, 29 faizi quru yüklərin, bütün həcmi isə, beynəlxalq əməliyyatların payına düşür.
2008 - ci ildə Azərbaycanın limanlarında emal edilmiş yük həcmi 5,4 mln. ton təşkil edib ki, bu da 2007- ci ilin göstəricisi ilə təxminən eynidir.
Avtomobil nəqliyyatı ilə 88 mln. ton - 2007-ci illə müqayisədə 7,8 faiz çox yük daşıyıb. Bu nəqliyyat növü ilə sərnişin daşınmalarının həcmi 1 mlrd. nəfər olub (7,2 faiz artıb). Sərnişinlərin 96,7 faizi avtobuslar, 3,3 faizi minik avtomobilləri ilə daşınıb.
Metropoliten tərəfindən sərnişin daşınmalarının həcmi 14,1 faiz artıb və 200,4 mln. nəfər olub.
Hava nəqliyyatı ilə sərnişin daşınmaları 8,6 faiz azalıb və 1,4 mln. nəfər olub. Bu növ sərnişin daşınmalarının 7,3 faizi qeyri - dövlət sektorunun payına düşür.
Magistral neft kəmərləri ilə 44,4 mln. ton neft nəql edilib; dörddə üçü Bakı -Tbilisi -Ceyhan boru kəməri ilə. 2008 - ci ildə Bakıdan 32,8 mln. ton neft yüklənilib. Magistral neft kəmərləri ilə nəql edilmiş ümumi həcm 2007- ci illə müqayisədə 11 faiz artıb.
Ötən il magistral qaz kəmərləri ilə 11,3 mlrd. kubmetr qaz nəql edilib. Bu, 2007- ci ilin göstəricisindən 52,7 faiz çoxdur. Cənubi Qafqaz qaz kəməri ilə 4,7 mlrd. kubmetr qaz (ümumi həcmin 29 faizi) nəql edilib.
2008 - ci ilin yanvar-noyabrında Avrasiya nəqliyyat dəhlizi ilə Azərbaycanərazisindən 43,8 mln. ton yük daşınıb -- 2007-ci ilin analoji dövrünün göstəricisindən 2,7 faiz çox. Bu dəhliz üzrə sərnişin daşınmaları 175,4 mln. nəfər olub (6,9 faiz çox). Daşınmalardan əldə edilən gəlir 239,9 mln. manat təşkil edib ki, bu da 2007 - ci ildən 12,5 faiz çoxdur.
