Azərbaycan, Bakı, 30 yanvar/ Trend müxbir Ü.İsmayılova/
Azərbaycanın Dövlət Gömrük Komitəsi (DGK) ölkənin Ümumdünya Ticarət Təşkilatına (ÜTT) daxil olması çərçivəsində bu təşkilatın tələblərinə uyğunlaşmaq üzrə tədbirləri davam etdirir, - DGK-nin rəhbəri Aydın Əliyev cümə günü 2008 - ci ildə fəaliyyətin yekunlarına həsr olunmuş kollegiyada bildirib.
"Gömrük Komitəsinin qarşısında iki öhdəlik dayanır - gömrük tariflərinin azaldılması və əqli mülkiyyət hüquqlarının müdafiəsi üzrə tədbirlərin gücləndirilməsi", - Əliyev deyib.
Onun sözlərinə görə, DGK daxili istehsalın müdafiəsi məqsədilə gömrük tariflərinin azaldılması çərçivəsində, çoxpilləli differensiyalaşdırılmış tarif sistemindən üçpilləliyə keçməyi təklif edib.
2001-ci ildən bu günədən Azərbaycanda 0, 0,5, 1, 3, 5, 9 və 15 faizlik dərəcələr qüvvədədir. Təsnifatın dəyişdirilməsi nəticəsində yalnız 0, 5 və 15 faizlik dərəcələr qalacaq.
İstehsal yönümlü malların (xammal və avadanlıq) böyük hissəsinə, hətta bu gün 0,5 faiz üzrə gömrük rüsumunun alındığı mallara 0 dərəcə tətbiq olunacaq. Bu, Nazirlər Kabinetinin sərəncamına əsasən, idxal zamanı sıfır dərəcə üzrə ƏDV-nin tətbiq olunduğu mal qrupları (xüsusilə 84-cü və 85-ci qruplar) növlərinə aiddir. Respublikaya idxal olunan malların təxminən 10-15 faizi onların payına düşür.
Əliyevin sözlərinə görə, əqli mülkiyyət hüquqlarının müdafiəsinin gücləndirilməsi çərçivəsində qanunverici bazanın təkmilləşdirilməsi nəzərdə tutulur.
1997 - ci ildən Azərbaycanın ÜTT - də müşahidəçi statusu var.
Müəlliflə əlaqə saxlamaq üçün elektron ünvan: [email protected]
