Azərbaycan, Bakı, 13 fevral / Trend , muxbir U.İsmayılova/ Dünya maliyyə böhranı Azərbaycanın daşınmaz əmlak bazarına çox təsir etməyib. Bu barədə cümə günü Daşınmaz Əmlakın Dövlət Reyestri Xidmətinin (DƏDRX) rəhbəri Gülhüseyn Kazımov bildirib.
"Daşınmaz əmlakın cəmi 3 faiz enən yeganə sahəsi ipoteka sahəsi olub və bu da böyük rəqəm deyil", - Kazımov deyib. İpoteka bazarının azalması maliyyə böhranı ilə bağlıdır. Belə ki, böhranla əlaqədar bir çox banklar ipoteka və tələb olunan kreditlərin verilməsini dayandırib. Kazımovun sözlərinə görə, 2008-ci ildə mülkiyyət qeydiyyatı 7 faiz, texniki pasportların verilməsi isə 3 faiz artıb.
"Yanvar ayında dekabrla müqayisədə ev qeydiyyatı 56 faiz artıb və mən fikirləşirəm ki, bu tendensiya qorunub saxlanılacaq", - Kazımov vurğulayıb
DƏDRX-nin verdiyi məlumata görə, 2008-ci il ərzində Azərbaycanda Bakı şəhəri üzrə 45,37 min, Sumqayıt üzrə 7,89 min, Gəncə üzrə isə 7,04 min daşınmaz əmlak üzrə qeydiyyat olunub.
Məqalənin müəllifi ilə əlaqə ünvanı:[email protected]
