Аzərbaycan, Bakı, 13 fevral / Trend , müxbir N.İsmayılova/ Əhalinin Əmək və Sosial Müdafiəsi Nazirliyinin Miqrasiya İdarəsinin rəhbəri Rauf Tağıyevin cümə günü keçirilən mətbuat konfransında bildirdiyinə görə, xarici işçi miqrantlarının ölkəmizdə işləməsi üçün icazə rüsumunun artırılması Azərbaycan hökumətinin daha bir antiböhran tədbiridir.
"Dövlət rüsum qanununa təsdiq edilmiş dəyişikliklər və əlavələrə əsasən, müəssisə sahibləri işçi miqrantın işə cəlb edilməsi və iş müddətinin uzadılmasına görə 1000 manat ödəyəcəklər", - Tağıyev bildirib.
Əvvəllər işəgötürənlər miqrantların işə cəlb edilməsi üçün Miqrasiya İdarəsinə 45 manat, müddətinin uzadılması üçün isə 25 manat ödəyirdilər.
Tağıyevin sözlərinə görə dövlət rüsumunun artırılması, qaydaların sərtləşdirilməsi ölkədə müasir texnologiyalarının tətbiqi və inkişafı sahəsinə müsbət təsir edən miqrantların sayının azaldılmasına yönəldilməyib. Bu qaydalar ilk öncə, ölkədə miqrasiyanın düzgün tənzimlənməsi, daxili əmək bazarının qorunması və Azərbaycanın işçi qüvvəsinin professional keyfiyyətlərinin yaxşılaşdırılması məqsədilə tətbiq edilib.
Tağıyev hesab edir ki, xarici miqrantlara qarşı qaydaların sərtləşdirilməsi yerli sahibkarlara yerli işçi qüvvəsindən istifadə etməkdə maraq oyadacaq. Bu həmçinin ölkədə məşğulluğun sayını artıracaq və işçi miqrantın qeyri-qanuni işə cəlb edilməsi halında sahibkarlar 30-35 min manat məbləğində cərimə olunacaq.
Əmək Nazirliyinin məlumatlarına əsasən, 2007-ci ildə Azərbaycanda 1.70 min işçi miqrant qeydə alınıb, 2008-ci ildə isə bu rəqəm 4.36 min təşkil edib.
Azərbaycana miqrantlar 72 ölkədən gəlir, onların əsasən 30 mini Türkiyə vətəndaşıdır. Miqrantların çox hissəsi-30 %-i tikinti sahəsində, 30 %-i neft sektorunda işə cəlb edilib. Bununla yanaşı 2007-ci ildə bu sahədə işləyən miqrantların sayı 70 % olub.
Məqalə müəllifi ilə əlaqə: [email protected]
