Azərbaycan, Bakı, 25 fevral / Trend , müxbir Ü.İsmaylova / DB-nin Bakı nümayəndəliyinin başçısı Qreqori Yedjeyçakın sözlərinə görə, Azərbaycan dəmiryolu ilə tranzit yardım məqsədi ilə Dünya bankı ilə 673,8 milyon dəyərində imzalanacaq kredit müqaviləsi proqram-layihənin genişliyi səbəbindən ləngidilir.
"Çətin layihədir və çoxlu vaxt tələb edir. Bu səbəbdən də razılaşmanın imzalanması iyun ayına nəzərdə tutulub", - Yedjeyçka deyib.
Bu layihənin həyata keçirilməsi məqsədi ilə DB ötən ilin mart ayında Azərböaycana 450 milyon məbləğində kredit ayrılması təklifinə razılıq verib. Lakin Azərbaycan dəmiryol infrastrukturunun təkmilləşdirilməsi barədə ümumi dəyəri 1,2 milyard manat olan Dövlət proqramı qəbul olunduqdan sonra DB layihənin reallaşmasının mümkünlüyünü vurğulayır.
Kredit resursları 17 il müddətinə, 4 illik güzəştlə libor+0,05% dərəcəsi ilə Beynəlxalq Rekonstruksiya Bankının xətti ilə təqdim edilib.
Qalan hissə isə Azərbaycan hökumətinin payı hesabına təmin olunacaq.
Layihə üç komponentdən ibarətdir. İlkin olaraq Bakı-Gürcüstan sərhədi marşrutu üzrə dəmiryolunun reabilitasiyası, 3,3 kV daimi cərəyandan 25 kV dəyişən cərəyana keçid və xəbərdarlıq sisteminin elektrik təminatına keçidlə əlaqədar ləğvi nəzərdə tutulur.
İkinci komponent 50 elektrik lokomotiv, üçüncü isə dəmiryol idarə olunmasının modernləşməsi və dünya bazar iqtisadiyyatının tələblərinə uyğunlaşdırılması nəzərdə tutulur. Layihə dörd il müddətinə nəzərdə tutulub.
Kreditə götürülmüş məbləğin 235 milyon dolları dövlət büdcəsi hesabına, geridə qalan 215 milyonun isə Azərbaycan dövlət dəmiryol idarəsinin şəxsi vəsaiti hesabına ödənilməsi nəzərdə tutulub.
Məqalə müəllifi ilə əlaqə ünvanı: [email protected]
