Azərbaycan, Bakı, 27 fevral / Trend , müxbir Ü.İsmayılova /
Yanvarda Bakıda mənzil sahələrinin kirayə bazarında qiymətlər üzrə beş faizlik azalma müşahidə olunur. Bu barədə cümə günü MBA Group konsaltinq şirkətindən məlumat verilib.
Bakının mərkəzində və ətrafında bir aylıq mənzil kirayəsinin orta dəyəri 627,2 manat təşkil edib. Mərkəzdə bir otaqlı mənzilin kirayə qiyməti 326,4 manat, iki otaqlı mənzilin qiyməti 524,7 manat, üç otaqlı mənzilin qiyməti isə 613,2 manatdır.
Yanvarda Bakının mənzil kirayəsi bazarında təkliflər 3,5 faiz artıb və bazar portfelinin böyük hissəsini - 36,3 faizini üç otaqlı mənzillər, 33,5 faizini isə iki otaqlı mənzillər təşkil edib.
Yanvarda 340 manatdan 620 manatadək icarə üçün təklif olunan mənzillərin payı bazar portfelinin 53,5 faizini təşkil edib.
Mənzil kirayəsi bazarı portfelinin böyük hissəsini Bakının Nəsimi (28,3 faiz) və Nərimanov (22 faiz) rayonlarındakı mənzillər təşkil edib.
Məqalə müəllifi ilə əlaqə ünvanı - [email protected]
