Azərbaycan, Bakı, 27 fevral / Trend , müxbir Ü.İsmayılova / "Azərbaycan sığorta şirkəti Az Sigorta nizamnamə kapitalını 100 faiz artırır", - cümə günü şirkətin idarə heyətinin sədr müavini Xəyal Məmmədxanlı deyib.
"Şirkətin nizamnamə kapitalı hazırkı 2 milyon manatdan dörd milyon manata qədər artırılacaq", - Məmmədxanlı bildirib.
Onun sözlərinə görə, kapitalın artımı gəlir hesabına artırılacaq.
Yanvarın 1-dən etibarən Azərbaycan bankları, sığorta və yenidən sığorta şirkətləri, kapitallaşmaya yönəldilən gəlirə görə vergidən azad olunublar. Bu qanunun əsas məqsədi maliyyə sahəsinin inkişaf tempinin artırılması, bank və sığorta sektorların xidmətlərinin keyfiyyətinin yüksəldilməsi, şirkətlərin kapitallaşdırılmasının yüksəldilməsinin stimullaşdırılmasıdır.
Ölkədə gəlir vergisi 22 faizdir. Azərbaycanda 45 bank, 28 sığorta və bir yenidən sığorta şirkəti var.
2006-cı ilin noyabrından fəaliyyət göstərən Az Sigorta SC 28 növ sığorta xidməti göstərir ki, onlardan da üçü məcburidir. 2008-ci ilin yekunlarına görə, bu şirkətin mükafatları 10,66 milyon manat, ödəmələr 2,32 milyon manat təşkil edib.
Məqalə müəllifi ilə əlaqə ünvanı: [email protected]
