Azərbaycan, Bakı, 12 mart / Trend , müxbir İ.Xəlilova /
"Əvvəllər xüsusi rejimli vergi xidməti departamentinə başçılıq etmiş Sahir Məmmədxanovun yeni nazir müavini təyin edilməsindən sonra Azərbaycan vergilər nazirinin müavinləri arasında səlahiyyət bölgüsünə yenidən baxılıb", - cümə axşamı qurumdan deyilib.
Natiq Əmirov nazirin birinci müavini təyin edilib. Əvvəllər bu vəzifəni hazırkı iqtisadi inkişaf naziri Şahin Mustafayev tuturdu.
Nazirin əmrinə əsasən, Əmirov nazirliyin aparatının struktur bölmələrinin - vergi siyasəti və strateji tədqiqatlar üzrə baş idarə, iqtisadi analiz və kommersiya hüquqi şəxslərin dövlət qeydiyyatının təşkili üzrə baş idarə - işini aparacaq. Vergi Apellyasiya üzrə Şuranın sədrliyi vəzifəsi də ona tapışırılıb.
Nazir müavini Namiq Əliyev vergi ödəyicilərinin auditi və hüquqi təminat şöbəsi üzrə Baş idarənin işinə nəzarət edəcək.
Beynəlxalq əlaqələr və maliyyə-təsərrüfat idarələrinin üzərində rəhbərlik nazir müavini Natiq Qasımovun öhdəsinə verilib.
Yeni nazir müavini Məmmədxanov vergi ödəyicilərinə xidmət və vergi borcunun məcburi alınması üzrə təşkili idarələrinin işini aparacaq. O, həmçinin əməkdaşların və struktur bölmələrinin fəaliyyətinin qiymətləndirilməsi şurasına da başçılıq edəcək.
Məqalə müəllifi ilə əlaqə ünvanı: [email protected]
