...

Azərbaycanda pul siyasətinin yumşaldılması ölkə iqtisadiyyatını təxminən bir milyard dollarlıq əlavə likvidliklə təmin edib

Biznes və iqtisadiyyat xəbərləri Materials 14 Mart 2009 14:40 (UTC +04:00)

Azərbaycan, Bakı, 14 mart / Trend , müxbir İ.Xəlilova /

"Hazırda Azərbaycanda bank göstəriciləri sabitdir. Düzdür, onlar ilin əvvəlindən artmır, amma başqa ölkələrdə bank aktivlərinin pisləşməsi prosesi gedir", - cümə günü Azərbaycan Milli Bankının (AMB) idarə heyətinin başçısı Elman Rüstəmov deyib. Ümumilikdə, onun sözlərinə görə, böhranın əvvəlindən dünya maliyyə sektorunun itkiləri üç trilyon dolları keçib və hətta ən çox inkişaf etmiş ölkələr belə onun qarşısını ala bilmirlər.

"Bu gün Azərbaycanın bank və ümumilikdə maliyyə sektoru sabitlik nümayiş etdirir. Biz bank sektoruna mümkün yardımımızı etməliyik ki, iqtisadiyyata maliyyə resurslarının aparıcı, o cümlədən əhalinin məşğulluğunu təmin edən sahələrə axınını təmin edək", - Rüstəmov bildirib.

Onun fikrincə bu, iqtisadiyyatın davamlı inkişafını təmin edəcək.

"Böhran pul-kredit siyasətinin yüngülləşməsini tələb edir ki, bununla əlaqədar da MB son beş ay ərzində, böhran dövründə maliyyə resurslarına tələbatın artımını nəzərə alaraq bu istiqamətdə tədbirlər görüb", - AMB başçısı deyib.

Pul siyasətinin yüngülləşdirilməsi ölkə iqtisadiyyatına əlavə maliyyə resurslarının yönəldilməsinə imkan verib. Həyata keçirilmiş tədbirlər sırasında Rüstəmov uçot dərəcələrinin 15 faizdən 3 faizə, məcburi ehtiyat normasının 12 faizdən 0,5 faizə azaldılmasını qeyd edib. Nəticədə ölkə iqtisadiyyatında 900 milyon dollarlıq əlavə likvidlik təmin olunub ki, bu da dövriyyədə olan ümumi pul kütləsinin 20 faizi deməkdir. Həyata keçirilmiş tədbirlərin hesabına ölkə iqtisadiyyatında yetərli həcmdə likvid və məhz nağd vəsait var ki, bu da dövlət büdcəsi qarşısında hesabatları yerinə yetirmək, eləcə də bank sektoruna xarici borclar üzrə xidmət göstərmək imkanı verir.

"Banklar tərəfindən cəlb edilmiş xarici kreditlərin ümumi - 2,5 milyard dollarlıq həcmindən, bu gün 1,2 milyard dolları artıb ödənilib", - MB sədri bildirib.

Martın 13-nə rəsmi məzənnə 0,8045 AZN/USD təşkil edir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti