Özbəkistan, Daşkənd, 19 mart / Trend , müxbir T.Jukov /
"Uzkimyosanoat" Dövlət Aksioner Şirkəti (DAŞ) və Beynəlxalq Neft İnvestisiya Şirkəti (IPIC, BƏƏ) ammonyak və karbomid istehsalı üzrə səneye kompleksi tikməyi planlaşdırırlar.Layihənin həyata keçirilməsi məqsədilə kompleksin idarəsi və məhsulun ixracı ilə məşğul olacaq birgə müəssisələr yaradılacaq. Bu barədə Trend a "Uzkimyosanoat" DAŞ-dan məlumat verilib. Təsisçilərin planına əsasən, məhsulun 70 faizi ixrac olunacaq.
"Uzkimyosanoat" DAŞ-dan verilmiş məlumata əsasən, layihənin ümumi dəyəri 1,34 milyard dollar təşkil edir.
Layihə 1,072 milyard dollar həcmində olan xarici investisiya və kreditlər hesabına maliyyələşdiriləcək. Özbəkistanın Yenidənqurma və İnkişaf Fondunun kreditləri 150 milyon dollar, yerli bankların kreditləri 38 milyon dollar və "Uzkimyosanoat" DAŞ-ın xüsusi vəsaiti isə 80 milyon dollar təşkil edir.
Kompleksin Nəvai vilayətindəki "Navoiazot" ASC-nin bazasında tikilməsi planlaşdırılır. Onun layihə gücü 900 min ton ammonyak və bir milyon ton karbomid təşkil edir. Kompleksin tikintisinə 2010-cu ildə başlanılacaq və 2013-cü ildə tamamlanacaq.
Layihənin əsasının işlənməsi və kompleksin tikintisi Almaniyanın "MAN Ferrostaal AG" şirkəti tərəfindən həyata keçiriləcək.
Məqalə müəllifi ilə əlaqə ünvanı: [email protected]