Türkmənistan, Aşqabad, 24 mart / Trend , müxbir H.Həsənov /
Rəsmi türkmən mənbəsinin verdiyi məlumata əsasən, A.P.Qujvin adına Həştərxan Gəmiqayrma Zavodu tərəfindən təmir edilmiş "Türkmənistan" quru yükdaşıyan gəmisi yenidən Türkmənbaşı limanından İranın Ənzəli və Rusiyanın Olya limanlarına xarici səfərə çıxıb.
Mənbənin məlumatına əsasən, Həştərxan Gəmiqayırma Zavodu bir vaxtlar Türkmənistan Dəniz və Çay Gəmiçiliyi ilə iki quru yükdaşıyan gəminin 2 mln. dollar dəyərində təmiri ilə bağlı müqavilə imzalayıb.
Həştərxan zavodu tərəfindən gəminin əsas mühərrikləri və güc qurğuları qaydaya salınıb, eləcə də gəmidə yeni radionaviqasiya kompleksi quraşdırılıb. Yaxın zamanlarda "Türkmənistan"da və yerli gəmiçiliyin digər ticarət gəmilərində uzaq identifikasialı qlobal sistemlər quraşdırılacaq.
Ekspertlərin qeyd etdiyi kimi, bütün bu tədbirlər gəmi kirayəçiləi arasında Türkmənbaşı dəniz limanının və "Türkməndənizdəryayelları" (Türkmənistan dəniz yolları) dövlət idarəsinin ticari-nəqliyyat reytinqini artırır.
Məqalə müəllifi ilə əlaqə ünvaı: [email protected]
