Azərbaycan, Bakı, 04 may / Trend , müxbir Ü.İsmayılova /
2003-cü ildən 2009-cu ilədək Azərbaycan Dövlət Sosial Müdafiə Fondunun (ADSMF) aktivləri 25,9 dəfə arıb. Bu barədə bazar ertəsi fond rəhbəri Səlim Müslümov bildirib.
"2003-cü ildə fondun aktivləri 4,24 mln. manat, 2009-cu ilin əvvəlinə isə 109,84 mln. manat təşkil edib", - deyə Müslümov bildirib.
Onun sözlərinə görə, bu dövr ərzində fondun aktiv fərqi 105,6 mln. manat təşkil edib.
Bu dövr ərzində fond tərəfindən istifadə olunan inzibati binaların sayı 52 ədəd artaraq 62 binaya, idarəetmə sisteminin avtomatlaşdırılması çərçivəsində istifadə olunan kompüterlərin sayı isə 2240 ədəd artaraq 2400-ə çatıb.
Son beş ildə fondun daxilolmaları 2003-cü ilin 306,6 min manatına nisbətdə 5,7 dəfə artaraq 1,76 mln. manata çatıb. O cümlədən icbari sosial sığortadan gələn gəlirlər 7,06 dəfə artaraq 1,27 mln. manata, dövlət büdcəsinə köçürmələr 369 min manat artaraq 494,4 min manata çatıb. Köçürmələrin payı 12 faiz azalıb. Bu dövr ərzində fondun xərcləri 5,7 dəfə artaraq 1,76 mln. manata çatıb. Bu göstərici 2003-cü ildə 306,6 min manat təşkil edib. Fondun təqaüdlərin maliyyələşdirilməsi üzrə xərcləri isə 9,7 dəfə artaraq 1,65 mln. manata bərabər olub.
Azərbaycanda təqaüd sisteminin avtomatlaşdırılması 82,8 faiz reallaşdırılıb. Ümumilikdə, Azərbaycanda 1,056 mln. təqaüdçü müavinətləri plastik kartla alır. Azərbaycanda təqaüdçülərin sayı 1,275 mln. nəfər təşkil edir.
Mayın 04-nə olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]
