Azərbaycan, Bakı, 08 may / Trend , müxbr Ü.İsmayılova /
Bakı daşınmaz əmlak bazarının fəallığı ötən ilin sentyabr ayı ilə müqayisədə (dünya maliyyə böhranının dərinləşdiyi vaxtla) 80 faiz azalıb. Bu barədə cümə günü "Caspian Property Services" qiymət şirkətinin marketinq üzrə direktoru Elnur Azadov deyib.
"Birinci rübdə 2008-ci ilin dördüncü rübü ilə müqayisədə alıcılıq qabiliyyəti 20 faiz azalıb", - Azadov deyib.
Onun sözlərinə əsasən, bu dövr ərzində daşınmaz əmlak bazarında qiymətlər dəyişməz olaraq qalsa da, yaxın vaxtlarda yay fəslinin gəlişi ilə əlaqədar cüzi qiymət enməsi gözlənilir.
Hazırda şəhərin birinci hissəsində bir kvadrat metr yaşayış sahəsinin qiyməti 1,8 min manatdan 3 min manatadək, II hissəsində 1-2 min manat aralığında, III hissəsində 700 manatdan 1000 manatadək və IV hissəsində 700 manatadək təşkil edir.
Mayın 08-nə olan rəsmi məzənnə 0,8035 AZN/USD təşkil edir.
Məqalə müəllifi ilə əlaqə ünvanı: [email protected]
