Azərbaycan, Bakı, 14 may / Trend , müxbir N.İsmayılova /
"Azerbaijan Kredit Banki-nın 2008-ci maliyyə ilinin yekunlarına həsr olunmuş, səhmdarlarının növbəti ümumi toplantısı iyunun 27-nə planlaşdırılıb", - Bankın məlumatında deyilir.
Toplantıda Deloitte&Touche şirkəti tərəfindən aparılmış auditin nəticələri, 2008-ci il üçün ümumi maliyyə hesabatlılığının, 2008-ci ilin maliyyə göstəriciləri üzrə idarə şurasının hesabatlılığının müzakirəsi, bankın nizamnaməsinə əlavə və dəyişikliklərin edilməsi nəzərdə tutulub.
Toplantı saat 11-də, bankın baş ofisində keçiriləcək.
Bank Azərbaycan Bank Assosiasiyasının, İpoteka Fondunun üzvü, həmçinin Bakı Fond Birjasının, eləcə də SWIFT bank informasiyası mübadiləsi üzrə beynəlxalq sistemin fəal iştirakçısıdır. 10 avqust 2007-ci ildən bank Azərbaycan Əmanətlərin Sığortalanması Fondunun (ADIF) üzvüdür.
