Azərbaycan, Bakı, 16 may / Trend /
Yanvar-martda Azərbaycana təqribən 16,8 min ədəd minik avtomobili idxal edilib. Bu göstərici ötən ilin analoji dövründə təqribən 16,5 min ədədə bərabər olub. Azərbaycan Dövlət Statistika Komitəsinin məlumatında bildirilir.
Dövlət Statistika Komitəsinin məlumatına görə, yanvar-martda gətirilən minik avtomobillərinin ümumi məbləği 103 mln. dollardan çox olub. Bu göstərici ötən ilin birinci rübü ərzində təqribən 114,6 mln. dollar təşkil edib.
Yanvar-apreldə Azərbaycana ötən ilin analoji dövründə qeydə alınan 2236 ədədə nisbətdə 1,5 min yük avtomobili idxal olunub. Gətirilən avtomobillərin ümumi dəyəri 31 mln. dollardan çox olub. Bu göstərici 2008-ci ilin yanvar-martında təqribən 33 mln. dollara bərabər olub.
Həmçinin, yanvar-martda respublikaya ötən ilin birinci rübünün 406 ədədinə nisbətdə 200 avtobus idxal olunub. Birinci rübdə təqribən 11 milyon dollar məbləğində avtobus idxal olunub ki, bu göstərici də ötən ilin analoji dövründə təqribən 13 milyon dollar təşkil edib.
