Azərbaycan, Bakı, 22 may / Trend , müxbir İ.Xəlilova /
Azərbaycan Mərkəzi Bankının (AMB) hesablamalarına əsasən, neftin bareli 50 dollar qalarsa ilin sonunadək ölkənin valyuta rezervləri dəyişməz olacaq. Neftin qiyməti 60 dollaradək qalxarsa valyuta rezervləri daha yüksək olacaq. Bu barədə cümə günü AMB-nin baş direktoru səlahiyyətlərini icra edən Xəqani Abdullayev deyib.
"Baxmayaraq ki, müəyyən çətinliklər ola bilər, ancaq pis halda da (bir barel 50 dollar) strateji rezervlər ilin əvvəlində olduğu səviyyədə qalacaq", - Abdullayev qeyd edib.
Onun sözlərinə əsasən, may ayından etibarən AMB bazarlardan valyuta alqısına başlayacaq və onların miqdarı 30-40% təşkil edəcək.
"Proqnozlarımız göstərir ki, ilin sonunadək satılmış valyutanın əksər hissəsini geri qaytarfacağıq. Neftin qiyməti 60 dollardan yüksək olduğu halda isə profisit səviyyəsi daha yüksək ola bilər", - Abdullayev bildirib.
Onun sözlərinə əsasən, AMB bazarlardan dollar alışını davam etdirəcək. "Prioritetimiz maliyyə sabitliyinin təmin edilməsidir", - o deyib.
Abdullayevin sözlərinə əsasən, hazırda bazar stabilləşir və intervensiyalar Azərbaycanın milli valyutasının məzənnəsini qoruyublar.
Məqalə müəllifi ilə əlaqə ünvanı: [email protected]
