Türkmənistan, Aşqabad, 25 may / Trend , müx. Q.Həsənov /
Bü gün Aşqabadda Türkmənistan-Almaniya birgə hökumətlərarası komissiyanın iclası öz işinə başlayır. Türkmənistan mənbəsindən verilən məlumata görə, AFR-in rəsmi nümayəndə heyətinə ölkənin İqtisadiyyat və Texnologiya Federal Nazirliyinin Xarici İqtisadi Fəaliyyət Departamentinin rəhbəri Karl Ernst Brauner başçılıq edir.
Onu AFR-in iri şirkətlərinin nümayəndələri müşayiət edirlər, beləki, onlar Türkmənistanın əsas dövlət qurumları ilə bir sıra görüşlər keçirəcək və müştərək biznes forumda iştirak edəcəklər. Altın Asır - yerli telekanalın şərhində qeyd olunur ki, biznes-forum dövlətlərarası dialoqun, o cümlədən Türkmənistan və Avropa İttifaqı arasında uğurla inkişaf edən qarşılıqlı fəaliyyətin dərinləşdirilməsi məqsədilə yeni addım olaraq təşkil edilib.
Məlumata görə, münasibətlərin genişləndirilməsi üçün əsas - son dövrlərdə imzalanmış sazişlər paketi olub. Onların sırasında əsas yeri qarşılıqlı anlaşma və Aİ ilə energetika sahəsində əməkdaşlıq haqqında memorandum tutub. Bu sənəd iri energetika şirkətləri, o cümlədən Almaniyanın RWE AG şirkəti ilə anoloji müqavilələrin imzalanmasına təkan verib.
Bundan başqa, perspektivli Türkmənistan bazarında öz mövqelərini gücləndirmək arzusunda olan Avropa şirkətləri üçün cari ilin aprelində Avropa Parlamenti tərəfindən ratifikasiya edilmiş Türkmənistan və Aİ ölkələri arasında tərəfdaşlıq və əməkdaşlıq haqqında müqavilə stimul olub.
2008-ci ilin noyabrında Türkmənistan Prezidenti Qurbanqulu Berdıməhəmmədovun AFR-ə etdiyi rəsmi səfər iki ölkənin münasibətlərinə xüsusi təkan verib. Səfəri zamanı o, Türkmənistan-Almaniya iqtisadi forumunda Almaniya biznesini Türkmənistan bazarını mənimsəməyə çağırıb.
"Türkmənistan rəhbərinin Almaniyanın biznes-elitasının nümayəndələri ilə bu görüşü tərəflərin əməkdaşlığı intensivləşdirilməsinə olan böyük maraq və qarşılıqlı hazırlığını bir daha təsdiq etdi və uzun müddətli və qarşılıqlı fayda əsasında qurulan gələcək tərəfdaşlığın vektorlarını müəyyən etdi",- Türkmən dövlət xəbər xidməti bildirib.
Məqalə müəllifi ilə əlaqə: [email protected]
