Azərbaycan, Bakı, 25 may / Trend , müxbir N.İsmayılova /
Azərbaycan bankı "Bank of Baku"nun aktivləri cari ilin aprel ayı ərzində 2,3% artaraq mayın 1-nə 170,15 milyon manat təşkil edib. Bu barədə bazar ertəsi bankdan bildiriblər.
Bankın depozit portfeli hesabat dövrü ərzində 2,8% artaraq 125,29 milyon manat təşkil edib ki, bunun da 60,36 manatını fiziki şəxslərin əmanətləri, 55,57 milyon manatını isə hüquqi şəxslərin depozitləri təşkil edib.
Aprel ərzində "Bank of Baku"nun kredit portfeli 0,1% artaraq 128,68 milyon manat təşkil edib. Birinci rübün nəticələrinə əsasən, bu göstərici 128,54 milyon manat təşkil edib.
Vergilər ödənildikdən sonra bankın mənfəəti 3,24 milyon manat təşkil edib. İlk dörd ayın nəticələrinə əsasən, bankın gəlirləri 12,58 milyon manat təşkil edib.
Bankın ümumi kapitalı mayın 1-nə 30,07 milyon dollar təşkil edib ki, aprelin 1-nə olan nəticələrə görə bu rəqəm 29,63 milyon manat olub.
Bankın nizamnamə kapitalı 6,8 milyon manata bərabərdir.
Mayın 25-nə olan rəsmi məzənnə 0,8036 AZN/USD təşkil edib.
Məqalə müəllifi ilə əlaqə ünvanı: [email protected]
