Azərbaycan, Bakı, 26 may / Trend , müxbir N.İsmayılova, Ü.İsmayılova /
"Azərbaycanın Standartlaşdırma, Metrologiya və Patent üzrə Dövlət Komitəsi keyfiyyətsiz malların yayılmasına görə 10 müəssisəyə qarşı cinayət işi açılması məqsədilə prokurorluğa müraciət edib", - çərşənbə axşamı Dövlət Komitəsinin başçısı Ramiz Həsənov deyib.
"Bu müəssisələrin fəaliyyəti dayandırılıb", - Həsənov bildirib.
Onun sözlərinə görə, cərimə sanksiyalarının artırılması səbəbindən sahibkarlar tərəfindən sertifikat alınması məqsədilə komitəyə müraciətlərin sayı artıb.
"Əvvəllər keyfiyyətsiz məhsul yayan şəxslərə 250 manat cərimə kəsilirdisə, indi bu rəqəm beş min manata qədər artırılıb", - Həsənov deyib.
"Cərimələrin bu səviyyəsi sahibkarları öz işlərindəki problemləri aradan qaldırmağa məcbur edir", - Həsənov qeyd edib.
Azərbaycanın Standartlaşdırma, Metrologiya və Patent üzrə Dövlət Komitəsi ölkənin bazarlarında keyfiyyətsiz malların realizəsinin qarşısını almaq məqsədilə mütəmadi yoxlamalar keçirir.
Mayın 26-na olan rəsmi məzənnə 0,8036 AZN/USD təşkil edir.
Məqalə müəllifi ilə əlaqə ünvanı: [email protected]