Azərbaycan, Bakı, 03 iyun / Trend , müxbir S.Babayeva /
"Yanvar-aprel aylarında Naxçıvan Muxtar Respublikasında (NMR) Ümumi Daxili Məhsul (ÜDM) ötən ilin analoji dövrünə nisbətən 22,2 faiz artaraq təxminən 224 milyon manata çatıb", - çərşənbə günü NMR-in Bakıdakı daimi nümayəndəliyindən məlumat verilib.
Bu dövr ərzində ÜDM-in 44,4 faiz və ya 98,5 milyon manatı məhsul istehsalının payına düşüb. Xidmət sahəsində əlavə dəyər istehsalı 114,7 milyon manat təşkil edib (xüsusi çəki ilə 51,2 faiz). Məhsul və idxaldan xalis vergilər isə ÜDM-in 4,8 faizini və ya 10,7 milyon manat təşkil edib.
Yanvar-aprel aylarında sənaye sahəsində ÜDM-in 21,1 faizi (47,2 milyon manat), kənd təsərrüfatında - 6 faizi (13,3 milyon manat), tikintidə - 16,9 faizi (38 milyon manat), nəqliyyatda - 3,5 faizi (7,8 milyon manat), rabitə sektorunda - 3,2 faizi (7,1 milyon manat), topdan və pərakəndə satışda, həmçinin avtomobil, müxtəlif məişət əşyalarının təmirində - 22 faizi (49,3 milyon manat) həcmində əlavə dəyər istehsal olunub.
İyunun 03-nə olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]